"ახლა იწყება თავდავიწყება! პოპკორნი მოიმარაგეთ"

საქართველოს ყოფილმა პრეზიდენტმა მიხეილ სააკაშვილმა, უკრაინის მოქალაქეობის ჩამორთმევის შემდგომ მის მიერ დაგეგმილ მოქმედებებზე ისაუბრა. როგორც სააკაშვილმა განაცხადა, მისი მიზანი უკრაინაში პეტრო პოროშენკოს შეცვლაა.

“არანაირი არც განზრახვა არც სურვილი, არც გეგმა არ მაქვს, პოროშენკოს ქმედება იყო დამფრთხალი, შეშინებული ადამიანის უკანონო ქმედება. მე ვარ უკრაინის მოქალაქე, მიუხედავად იმისა, რაც გადაჯღაბნეს იქ. ჩვენ შევცვლით უკრაინაში ხელისუფლებას. ბრძოლა მე არ მესწავლება! დღეს პირველი და გადაუდებელი ამოცანაა უკრაინაში ხელისუფლების შეცვლა და ამაში მე ვითამაშებ გადამწყვეტ როლს. ახლა იწყება თავდავიწყება! პოპკორნი მოიმარაგეთ.” – განაცხადა სააკაშვილმა

    www.marshalpress.ge
    ,,მომაწოდეთ და პატივისცემა ჩემზე იყოს”

    ჟურნალისტი ინგა გრიგოლია სოციალურ ქსელში სტატუსს აქვეყნებს.

    ,,გადატყლარწული და დატყლარწული არა,არც რაღაცნაირი საკუბოვედ და საგანგებოდ გადაღებული. ჩემი ძალიან ძველი ფოტოები თუ მოგეძებნებათ ვინმეს,რომელიც პროფესიულ საქმიანობასთანაა კავშირში ,იქნებ მომაწოდოთ და პატივისცემა ჩემზე იყოს. ასეთი უთავბოლო ვარ. თითქმის არ მაქვს ფოტოები, საინტერესო ამბისთვის მჭირდება. მადლობა წინასწარ", - წერს ინგა გრიგოლია.

    www.digest.pia.ge
      „ღარიბაშვილმა დაურეკა ჩემზე და პოროშენკომ დაუკიდა ყურმილი"- მიხეილ სააკაშვილი

      „ღარიბაშვილმა დაურეკა ჩემზე და პოროშენკომ დაუკიდა ყურმილი,“- ეს განცხადება საქართველოს მესამე პრეზიდენტმა „კურიერთან“ ინტერვიუს დროს გააკეთა.

      სააკაშვილმა ასევე განაცხადა, რომ ყველაფერი წინ არის და ბრძოლა გრძელდება.


      „მითხრა, რომ ფსიქიკურად დაავადებულია ეს კაციო და თუ კიდევ რამეა, ახლა ყველაფერს მივხვდიო. პოროშენკომ მშვენივრად იცის ყველაფერი, პრობლემა იმაშია, რომ ძალიან გაუჭირდა. ჩემ პირობებში დაინახა საფრთხე, რომ შეიძლება მე მაქვს რეალური შანსები მისი და მისი ჯგუფის ხელისუფლებიდან ჩამოშორების და ხალხის მიყვანისა და ჩაერთო შიში, თვითგადარჩენის ინსტინქტი არა, თვითგანადგურებისა. ვნახე, რომ ვიღაცებს თბილისში გაუხარდათ, ტყუილად გიხარიათ. ახლა იწყება თავდავიწყება, ყველაფერი არის წინ, მოიმარაგეთ პოპკორნი და შეხედეთ, თქვენთვის ძალიან უსიამოვნო ამბებს ნახავთ და სასიამოვნოს უკრაინისა და საქართველოსთვის,“- განაცხადა მიხეილ სააკაშვილმა. 


      საქართველოს მესამე პრეზიდენტმა პროკურატურის მიერ წაყენებულ ბრალდებაზე ისაუბრა და მას "ორღობის პროკურატურის ჭორვილის, სიბანძის განსახიერების პროკურატურის ბრალდება" უწოდა. მისი თქმით, პროკურატურის ბრალდება ვაცლავ ჰაველის გასვენების გვირგვინი არის. 

        www.rustavi2.ge
        სამტრედიაში დედამ შვილი საფლავიდან ამოთხარა...

        სამტრედიის მუნიციპალიტეტის სოფელ დაფნარში თვითმკვლელობით გარდაცვლილი დემურ სტურუა დედამ საფლავიდან ამოთხარა.

        ნონა ჯოჯუას განცხადებით, აღნიშნული გადაწყვეტილება მას შემდეგ მიიღო, რაც მისმა რძალმა შვილის საფლავზე მისვლა აუკრძალა. 


        “წუხელ მოუპარია საფლავიდან მიცალებულები. მე გვიან მეზობლებმა გამაგებინეს. ახლა ვიყავი სასაფლაოზე და ჩემი გარდაცვლილი ოჯახის წევრების ძვლებია დაყრილი და საფლავი სულ გადათხრილია. უკვე დავრეკე პოლიციაში და ველოდები რეაგირებას" - ამბობს დარიკო ჯაში.


        გარდაცვლილის დედასა და ბიცოლას შორის დაპირისპირება დემურ სტურუას გარდაცვალების შემდეგ დაიწყო. სტურუას თვითმკვლელობამდე მიყვანის ბრალდებით თავდაპირველად პოლიციამ სამტრედიის რაიონული პოლიციის თანამშრომელი გოდერძი თევზაძე დააკავა, თუმცა პოლიციელი ქუთაისის საქალაქო სასამართლომ უდანაშაულოდ ცნო. ნონა ჯოჯუა პოლიციელის გამართლების შემდეგ აცხადებდა, რომ მისი შვილი გოდერძი თევზაძეს არ მოუკლავს და დამნაშავე სხვა პიროვნება იყო, რომელსაც აუცილებლად იპოვნიდა. თავის მხრივ, შვილის მკვლელის სანაცვლოდ ფულის აღებაში ადანაშაულებდა რძალს დარიკო ჯაში.

          www.pia.ge
          ”როცა ველაპარაკებოდით, ვერაფერს იხსენებდა, კანკალებდა"

          დედის მკვლელობისთვის ბრალდებულ ბალერინას, ანი მურადელს სასამართლომ იძულებითი ფსიქიატრიული მკურნალობის ვადად ერთი წელი და 6 თვე განუსაზღვრა.

          ის ხონში ფსიქიკური ჯანმრთელობის ცენტრში გაივლის მკურნალობას.


          თბილისის საქალაქო სასამართლოს გადაწყვეტილებით მურადელის მიმართ სისხლის სამართლებრივი დევნა შეწყდა, რადგან ექსპერტიზის დასკვნით, ბრალად შერაცხული მართლსაწინააღმდეგო ქმედების ჩადენის დროს მას არ შეეძლო გაეცნობიერებინა თავისი ქმედების ფაქტობრივი ხასიათი, მართლწინაღმდეგობა და ეხელმძღვანელა მისთვის.


          ”სამართლებრივად, იძულებითი მკურნალობის მაქსიმალური ვადა 4 წელია. თუ მურადელი გამოჯანმრთელდება, შესაძლებელია, ის ამ დაწესებულებიდან ადრეც გათავისუფლდეს, მაგრამ თუკი, მდგომარეობა უფრო დამძიმდება, მას იქ უფრო მეტი ხნით დარჩენა მოუწევს. ყველაფერი მკურნალობაზეა დამოკიდებული. თუ მურადელი საზოგადოებისთვის საშიში გახდება და მდგომარეობა დამძიმდება, მას გამოჯანმრთელებამდე გარეთ არავინ გამოუშვებს. დღევანდელი მონაცემებით, ექსპერტიზის დასკვნით სასამართლომ წელიწადი და 6 თვე მკურნალობისთვის საკმარისად ჩათვალა”, - განუცხადა ”ჯი-ეიჩ-ენ-ს” ანი მურადელის ადვოკატმა, ვახტანგ აბესაძემ.


          მისი თქმით, ანი მურადელს მომხდართან დაკავშირებით არაფერი ახსოვს.


          ”როცა ველაპარაკებოდით, ვერაფერს იხსენებდა, უცნაურ მდგომარეობაში ვარდებოდა, კანკალებდა. შესაბამისად, აღარ ვაიძულებდით ამ მხრივ კონტაქტში შემოსულიყო”, - განაცხადა ადვოკატმა.   


          შეგახსენებთ, რომ დედის მკვლელობისთვის ზაქარია ფალიაშვილის სახელობის ოპერისა და ბალეტის თეატრის ბალერინა ანი მურადელი 21 მაისს დააკავეს. მის მიმართ დევნა სისხლის სამართლის კოდექსის 108-ე მუხლით მიმდინარეობდა.

            www.ghn.ge
            „ნეტა ასე ძლიერად არ მყვარებოდა“ -ცნობილი ჟურნალისტის ემოციური სიტყვები გარდაცვლილ დედამთილს

            ცნობილი ჟურნალისტისა და მწერლის ეკა ტოგონიძის დედამთილი შარშან გარდაიცვალა. მაშინ ჟურნალისტმა ამ ამბავს ვრცელი პოსტი მიუძღვნა. მას მერე ერთი წელი გავიდა და ეკა ტოგონიძე მორიგი ემოციური ჩანაწერით გამოეხმაურა:

            "დღეს იყო, რომ თამრიკო საავადმყოფოში გადავიყვანეთ. ხვალ გარდაიცვალა.
            გააზრება ძალიან გამიჭირდა, მაგრამ წლისთავზე უკვე შემიძლია ვთქვა, რომ როგორღაც გადავეჩვიე ფიქრს: „ამას ვეტყვი, იმას მოვუყვები, ეს გაუხარდება, ამაზე გაეცინება... კარზე ზარია, ხომ არ მოვიდა?!...“ მოგზაურობისას ქარვის ბეჭდებისკენ აღარ გამირბის თვალი, არც თაფლისფერ შარფებს ვათვალიერებ, შევეშვი, როგორც იქნა, დავიმახსოვრე - ვისთვისაც ვარჩვედი, აღარ არის.


            ეს საჩუქრები ახლა სულ სხვანაირად უნდა ვაკეთო... ისევე აბსტრაქტულად, როგორიც მისი არსებობაა. რთულია.


            ისევ დავრწმუნდი, რომ თუ ტკივილს არ გაექცევი და ბოლომდე ჩაყვები, მისცემ უფლებას, გული სრულად მოგიწუროს, მერე რეალობის აღქმაც ადვილდება - ეჩვევი ამოუვსებელ სიცარიელეს და იცი, რომ ნამდვილად აღარაა, აღარც იქნება. დაკრძალვიდან რაღაც დროის შემდეგ საკუთარ თავშიც იწყებ დასაფლავებას, ნელა, წინააღმდეგობებით, მაგრამ ბოლოს და ბოლოს ახერხებ. კიდეც მშვიდდები, აღარ წრიალებ, აღარ ეძებ, წყვეტ აბსურდულ სიბრაზეს, რომ ყველაფერი ასე „უსამართლოდ“ მოხდა, თავდაუზოგავმა მცდელობებმა უშედეგოდ ჩაიარა, სხვებს ეშველათ, მას - არა... ასეა და მორჩა. 
            ბევრჯერ დამესიზმრა, ბევრჯერ მეწყინა გაღვიძება. ბევრჯერ გულით ვინატრე, რომ ასე ძლიერად არ მყვარებოდა. როცა ჩემი ოჯახის წევრებში მის თვისებებს ვხედავ, მისი უნიკალური ხასიათის პატარ-პატარა გაბნეულ მძივებს ვპოულობ თუთას, რატის, კირას, დეიდების, სალოს გამოხედვაში, გაღიმებაში, ამოოხვრაში, დაფიქრებაში, უკვე ვიცი, რომ ამ უხილავ, მოუხელთებელ არსებობას უნდა დავჯერდე. ჩახუტებით ვეღარ ჩავეხუტები (როცა მისთვის ტანსაცმლის შერჩევა მინდოდა, ზუსტად ასე ვზომავდი, ვეხუტებოდი და ხელებით ვიმახსოვრებდი, რამსიგანე უნდა ყოფილიყო ზედა ან კაბა)... საჩუქარს ჯერ მსაყვედურობდა დამერე გემრიელად, ამაყად ატარებდა. სასაცილოა, ტანსაცმელზე და ნივთებზე ლაპარაკი, მაგრამ ჩვენი ცხოვრება ხომ სწორედ ამ პატარა სატყუარებითაა გამსუბუქებული...


            დღემდე მხვდებიან ადამიანები, ვისაც ჩემი ერთი წლის წინანდელი სტატუსი წაუკითხავს. მეფერებიან. ვინც მას მართლა იცნოდა, იცის, რომ არ გადამიჭარბებია... არადა სტატუსს წელიწადში ორჯერ თუ დავწერ, არც კი. საჯაროდ ნათქვამი დოკუმენტური და ცხოვრებიდან პირდაპირ გადმოტანილი ამბავი სხვა ელფერს იღებს ხოლმე, ფუჭდება. მაგრამ რადგან დავიწყე, ვიტყვი:ბოლო დღეს, როცა მთლიანად ძალა(და სიცოცხლე)გამოცლილი საავადმყოფოში მიგვყავდა, მანქანაში ძლივს ჩავსვით. მახსოვს ჩემი მაშინდელი განცდა - ოპტიმიზმის ისტერია! მეგონა, თუ წამით მაინც დავუშვებდი, რომ ყველაფერი მთავრდება, ისიც აუცილებლად იგრძნობდა. მარტო ის კი არა, მთელი სამყარო იგრძნობდა. მეგონა, რომ ამ განწყობებს გადამწყვეტი მნიშვნელობა ჰქონდა...


            საავადმყოფოს რომ ვუახლოვდებოდით, ვღელავდი მანქანიდან გადმოყვანაზე, თითქოს მთავარი ეს იყო, ოღონდ საავადმყოფომდე მიგვეღწია და მერე უშველიდნენ...


            ვკითხე, აბა როგორ ხარ-მეთქი. „როგორ და კარგად! ახლა ისე ვარ, ჩემი ფეხით გადმოვალ მანქანიდან!“ - ხმის ეს სიმტკიცე ახლაც ყურებში მიდგას და ტანში მივლის. გამიჭირდება სრულად გადმოვცე, რა ძალა იყო ამ პასუხში - ჩვენი დამშვიდების, ისევ ჩვენზე ზრუნვის, ბოლო ძალების მოკრების, სახის შენარჩუნების ვალდებულება... საავადმყოფოში სუნამოს და კოსმეტიკის წაღების ძალა... გაღიმების ძალა... ბოლომდე თამრიკოდ ყოფნის ძალა! არასდროს შემხვედრია ხასიათით ასეთი რბილი და შინაგანად ასეთი ძლიერი ადამიანი.



            მანქანიდან მართლა თავისი ფეხით გადმოვიდა. ახლა, ერთი წლის შემდეგ, უკვე ვიცი, რა ჰქვია ამას... ახლა უკვე ვიცი, რომ ზუსტად იგრძნო დასასრული. ვიცი, რომ ბრძოლა კი არ შეწყვიტა, არამედ დაასრულა! 
            და ეს იყო დასასრულის ყველაზე ღირსეული შეხვედრა.


            პალატაში ფარდა გააფარეს, ყველანი გამოგვისტუმრეს. უკვე კორიდორში გამოსული უკან შევბრუნდი და დაფარდაში თავი შევყავი. თვალები გაახილა. ტკბილად, ძალიან ტკბილად გამიღიმა და ხელი დამიქნია. ამ უტკბესი ღიმილით დაიწყო და დასრულდა ჩვენი ამბავი...


            და მეც ამ ძალით შევეშვი ფიქრს, „ნეტა ასე ძლიერად არ მყვარებოდა“. მეც ამ ძალით ვამბობ მადლობას... მადლობა, რომ იყო... და მადლობა, რომ ასე ვუყვარდი - ასე მიყვარდა," - წერს ეკა ტოგონიძე სოციალურ ქსელში.

              "შოკში ვარ, მოვითხოვ დაუყოვნებლივ ექსპერტიზას!"

              უკრაინის პრეზიდენტის  ფრაქციის ლიდერმა ვლოდიმერ არიევმა გამოაქვეყნა უკრაინის მოქალაქეობის სპეციალური ანკეტა, რომელზეც მიხეილ სააკაშვილის ხელმოწერაა, თუმცა, სააკაშვილი აცხადებს, რომ დოკუმენტზე მისი ხელმოწერა გაყალბებულია.

              საქართველოს პრეზიდენტი აცახადებს, რომ ამ დოკუმენტზე მისი ხელმოწერა გაყალბებულია და მას მსგავსი დოკუმენტი საერთოდ არ შეუვსია. სააკაშვილი დაუყოვნებლივ გრაფოლოგიურ ექსპერტიზას ითხოვს და აცხადებს, რომ ხელმოწერის გამყალბებელმა სისხლის სამართლის დანაშაული ჩაიდინა.


              "შოკში ვარ! სწორედ ახლა ვნახე იმ ანკეტის ასლი, რომელიც პრეზიდენტის ადმინისტრაციის მითითებით მისი ფრაქციის ერთ-ერთმა ლიდერმა გამოაქვეყნა. აი, ამ ქაღალდის საფუძველზე ჩამომართვა პრეზიდენტმა მოქალაქეობა. მე სრული პასუხისმგებლობით ვაცხადებ, რომ ეს არ არის ჩემი ხელმოწერა და არ არის ჩემს მიერ შევსებული ანკეტა! მოვითხოვ დაუყოვნებლივ გრაფიკულ ექსპერტიზას! ადგილი აქვს სისხლის სამართლის დანაშაულს! ახლა თქვენ გესმით, სახელმწიფო ხელისუფლების რა სიმაღლეზე შეაღწიეს თაღლითებმა!" - წერს მიხეილ სააკაშვილი საკუთარ ფეისბუქ გვერდზე.


              აქვე საქართველოს მესამე პრეზიდენტს საკუთარი ხელმოწერის ნიმუშებს აქვეყნებს.



              "აი ასე გამოიყურება ჩემი ხელმოწერა - ეს არის დოკუმენტი თბილისში "სააკაშვილის საპრეზიდენტო ბიიბლიოთეკის" ოფიციალური არქივიდან, ის ბიბლიოთეკის ფასადზეა," - წერს სააკაშვილი და აცხადებს, რომ მას შემდეგ რაც უკრაინაში იმყოფება, ხელმოწერისას მხოლოდ "კირილიცას" იყენებს.





              www.digest.pia.ge

              ქართველი მოჭადრაკე კოპენჰაგენში გამართული საერთაშორისო ტურნირის გამარჯვებულია...

              საქართველოს ნომერ პირველი ვაჟი მოჭადრაკე ბაადურ ჯობავა კოპენჰაგენში გამართული საერთაშორისო ტურნირის გამარჯვებულია.

              ბაადურ ჯობავამ ტურნირი დაუმარცხებლად, ბრწყინვალე შედეგით 10-დან 8,5 ქულით დაასრულა.



              გამარჯვებულს ნახევარი ქულით: კრიშნან საშიკირანი(ინდოეთი), მარინ ბოსიოსიჩი(ხორვატია), ნიკიტა ვიტიუგოვი(რუსეთი), ნარაინანი ლინა (ინდოეთი), ნაიჯელ შორტი (ინგლისი), ივან შარიჩი(ხორვატია), ანდრეი კვონი(უზბეკეთი) და მადს ანდერსენი (დანია) ჩამორჩნენ. 



              ბაადურ ჯობავა, მიხეილ მჭედლიშვილი, ლევან ფანცულაია და ნანა ძაგნიძე 2 სექტემბრიდან თბილისში მსოფლიო თასის გათამაშებაში მიიღებენ მონაწილეობას.

                www.1tv.ge
                „მშვიდობით ჩემო პატარა გოგონავ. ოდესმე მაღლა ისევ შევხვდებით ერთმანეთს“

                ოპერის მომღერალი თამარ ივერი სოციალურ ქსელში ემოციურ წერილს აქვეყნებს.

                მშვიდობით ჩემო ცხოვრების ერთგულო მეგზურო.12 წელი დაუღალავად იყავი ჩემი ერთგული თანმდევი სახლში,თვითმფრინავებში,სასტუმროებში,სცენებზე, უპრეტენზიო,წყნარი,ამტანი.უსიტყვოდ და აუწრიალებლად გადაგიტანია 8-10 საათიანი ფრენები ჩემდამი სიყვარულის და მეგობრობის ნიშნად.ვაჟკაცურად იტანდი მარტოობის მრავალ საათებს,ჩემს გრძელ რეპეტიციებს,ჩემს მძიმე რეჟიმს....მაგრამ ერთელ არ "დაგიჩივლია". მაინც,უდიდესი სიხარული იყო შენთვის ჩემს გვერდით ყოფნა. მშვიდობით, ჩემო ერთგულო მეგობარო. შენ ჩემი ცხოვრების დაკარიერის ერთი დიდ, სასიამოვნო ნაწილად, ფურცლად იქეცი და ეს წლები გამიბედნიერე! დღეს რაღაცა ძალიან ჩამწყდა, რაღაც ძალიან მტკივა რასაც აქ ვერ და არც გადმოვცემ, რადგან ის ჩემი პირადი ტკივილია და ეს კი ყბადაღებული სოციალური ქსელი სადაც მავანი მოქილიკეები ფიქრობენ: "ხალხი იხოცება და თამარ ივერი მის ძაღლს მისტირისო", მათიც მესმის, რადგან ეს დიდი გრძნობა არ განუცდიათ.
                მშვიდობით ჩემო პატარა გოგონავ, ჩემი ცხოვრების თავგანწირულო, ერთგულო მეგობარო. შენი თვალები და ერთგული მზერა ძალიან დააკლდება ჩემს სულს. წადი, და ახლა მაინც დაისვენე და დაუთმე დრო შენს თავს. ერთი ვიცი რომ ადრე თუ გვიან, ოდესმე მაღლა ისევ შევხვდებით ერთმანეთს და იქაც სულ ერთად ვიქნებით. ბევრად უფრო წყნარ და უსტრესო ცხოვრებაში. გპირდები რომ მრავალსაათიანი გადაფრენებით და რეპეტიციებით იქ აღარ შეგაწუხებ.
                მაპატიე თუ როდესმე მარტო იგრძენი თავი, მაპატიე თუ როდესმე რამე გაწყენინე, მაპატიე რომ ბოლოს, ძალიან ვეცადე, ყველა ხერხს მივმართე მაგრამ ვერ შევძელი შენი გადარჩენა და ჩემს ხელში დალიე სული. გპირდები რომ "იქ" გამოვასწორებ ჩემს შეცდომებს.
                მშვიდობით ჩემო პატარა "გოგონავ" , დაისვენე ამ გიჟი ცხოვრების რიტმისგან და......დამელოდე რომ "იქ"კიდევ ახალი ძალით "ვიგიჟოთ". მშვიდობით სისუ.....მიყვარხარ სამუდამოდ!! მუდამ შენი თამრიკო“ - წერს თამარ ივერი და ერთგული ძაღლის სურათს აქვეყნებს:






                www.digest.pia.ge

                „მე გავდივარ... გავდივარ ამასოფლიდან“ - ბესო დუღაშვილს ოჯახი ეძებს!

                ცნობილ კარიკატურისტს, „ალიას“ ყოფილ თანამშრომელს, ბესო დუღაშვილს ოჯახი და ახლობლები ეძებენ. მობილიზებულია პოლიცია. მის სახლთან შეკრებილნი არიან გამგეობის წევრები და ნაცნობები.

                რამდენიმე საათის წინ ბესომ სოციალურ ქსელში გამოსამშვიდებებელი წერილი დაწერა და გაუჩინარდა:

                „როცა დაბადებიდან გესმის, რომ ხარ ნიჭიერი, როცა ცხოვრობ პრინციპით „ადამიანებო! გიყვარდეთ ერთმანეთი!“, როცა ცხოვრების დევიზად გაქვს მარკ ტვენის სიტყვები:-„იცხოვრე ისე, რომ მესაფლავემაც დაიტიროს შენი სიკვდილი“... როცა აშენებ საკუთარ ბედნიერებას და ეს ბედნიერება თავისი ფუნდამენტიანად არათუ უბრალოდ გენგრევა, არამედ ქვეშ გიყოლიებს, გსრესს...
                არა ბედნიერება, არა ოჯახი, არა წარმატებული კარიერა, არა... არა... არა...
                და დგები დილემის წინაშე, რომ არჩევანი აღარ გაქვს...
                მე გავდივარ... გავდივარ ამასოფლიდან დამარცხებული ცხოვრებასთან ჭიდილში!
                გავდივარ იქ, საიდანაც არ ბრუნდებიან...
                სუსტი და უმწეო აღმოვჩნდი ამდენ ბრძოლაში...
                მე კი უბრალოდ სიცოცხლე მინდოდა, ტკბილი ოჯახი, მოსიყვარულე, გამგები და გამტანი მეუღლე, საყვარელი საქმის კეთება... შვილების აწმყოთი და მომავლით ტკბობა... მშვიდი სიბერე...
                დე მე ვიყო ბოლო... შემინდეთ... და მომიხსენიეთ ლოცვებში. წავედი! თქვენი ბესიკ (ტატო) დუღაშვილი“.

                თუ ვინმემ მისი ადგილმდებარეობა იცით, აცნობეთ ოჯახს.

                  www.alia.ge
                  მაშველებმა დღეს შტორმის დროს 11 ადამიანი გადაარჩინეს...

                  შსს-ს საგანგებო სიტუაციების მართვის სააგენტოს წყალზე მაშველებმა 5 ბალამდე შტორმის დროს, 11 მოქალაქე გადაარჩინეს.

                  აქედან, ქობულეთში საქართველოს 4 და სომხეთის 1 მოქალაქე გადაარჩინეს. ბათუმში მაშველებმა საქართველოს 4 და აშშ-ს 1 მოქალაქეს, გონიოში კი - 13 წლის მოზარდს, სომხეთის მოქალაქეს მყისიერი დახმარება აღმოუჩინეს.

                  11 გადარჩენილიდან 2 (საქართველოს 1 და აშშ-ს 1 მოქალაქე) სასწრაფო სამედიცინო დახმარების ჯგუფის მიერ გადაყვანილია სტაციონარში.

                  შსს-ს შავი ზღვის სანაპირო ზოლზე მყოფმა წყალზე მაშველებმა, დღეს დილიდან 11 სხვადასხვა შემთხვევაზე მოახდინეს რეაგირება, 5 ბალამდე შტორმის დროს წყალში შევიდნენ და განსაცდელში მყოფი პირები ნაპირზე გამოიყვანეს.

                  მიუხედავად იმისა, რომ შავი ზღვის სანაპირო ზოლზე არსებულ ყველა საგუშაგოზე აღმართულია წითელი ალმები, რაც იმის მანიშნებელია, რომ წყალში შესვლა აკრძალულია, დამსვენებლები ამ გაფრთხილებას არ ემორჩილებიან, რითაც საფრთხეს უქმნიან როგორც საკუთარ, ისე მაშველების სიცოცხლეს. შსს-ს საგანგებო სიტუაციების მართვის სააგენტო კიდევ ერთხელ მოგიწოდებთ: ყურადღება მიაქციეთ მაფრთხილებელ ნიშნებს, დაემორჩილეთ მაშველთა მითითებებს, არ დატოვოთ ბავშვები მეთვალყურეობის გარეშე და თავი შეიკავეთ ზღვაში შესვლისგან მანამ, სანამ არ გაუქმდება საშტორმო მდგომარეობა, რათა თავიდან იქნას აცილებული უბედური შემთხვევები.

                    www.pia.ge
                    ქართველი მზარეულის შესახებ ბრიტანული ცნობილი გამოცემა The Guardian-ი წერს...

                    ცნობილი ბრიტანული გამოცემა The Guardian-ი ქართველი მზარეულ თიკო ტუსკაძის შესახებ ვრცელ სტატიას აქვეყნებს.
                     
                     

                    "თიკო ტუსკაძე საქართველოში დაიბადა. იგი ოჯახში ერთადერთი ბავშვი იყო. მას ორი ბებია ჰყავდა, რომლიდანაც ერთ ძალიან უყვარდა საჭმლის კეთება, ხოლო მეორე - ვერ იტანდა.

                    თიკო ქართული სამზარეულოს წარსადგენად ლონდონში წავიდა, სადაც რესტორანი „პატარა საქართველო“ გახსნა.

                    ტუსკაძემ საკუთარი წიგნიც გამოსცა, რომელსაც „სუფრა“ (“Supra”) ჰქვია, წიგნში თავმოყრილია მისი ბავშვობის რეცეპტები, ისტორიები ოჯახის შესახებ და ფოტოები.

                    თიკოს ამ ეტაპზე ორი რესტორანი აქვს. იგი ბრიტანელზეა გათხოვილი და ერთი ქალიშვილი ჰყავს - 8 წლის ელისაბედი", - წერს The Guardian-ი.

                    "სასაცილოა ის, რომ ჩვენ ისეთ უბანში ვცხოვრობთ, სადაც მეზობლებს ერთმანეთთან ძალიან მჭიდრო ურთიერთობა აქვს, ერთმანეთის სახლებში თავისუფლად დადიან და ხშირად ერთად ვახშმობენ. ეს ყოველთვის ბავშვობას მახსენებს. ჩემმა მეგობარმა, რომელიც აგრეთვე ლონდონში ცხოვრობს, ერთხელ მითხრა, რომ იგი თავის მეზობლებს არ იცნობს, მაგრამ როდესაც ჩვენთან მოდის, თავს ისე გრძნობს, თითქოს საქართველოში იყოს", - აღნიშნავს ტუსკაძე.

                      www.ipress.ge
                      "როგორც კი სააკაშვილი უკრაინაში დაბრუნდება, კიევი ექსტრადიციის პროცესს დაიწყებს..."

                      საქართველოს ყოფილი პრეზიდენტი მიხეილ სააკაშვილი, როგორც კი უკრაინაში დაბრუნდება, კიევი ექსტრადიციის პროცესის დაწყებას შეძლებს. ამის შესახებ იუსტიციის მინისტრმა თეა წულუკიანმა "იმედის" ეთერში განაცხადა.

                      "ეს არის წმინდად სამართლებრივი და საგამოძიებო-საპროკურორო ექსტრადიციის პროცესი. ჩვენ ვნახეთ უკრაინული მხრიდან სხვადასხვა განცხადებები, სიმართლე ერთია - საქართველოს მხარემ მაშინ ჯერ კიდევ საქართველოს მოქალაქე მიხეილ სააკაშვილი მოითხოვა გადმოსაცემად 4 სხვადასხვა სისხლის სამართლებრივ საქმეზე, მათ შორის იყო დეპუტატ გელაშვილის ცემა, 9 მილიონი ლარის გაფლანგვა, ნოემბრის საქმე და ტელეიმედის საქმე. ამ საქმეებზე ჩვენ მოვითხოვეთ 2014 და 2015 წელს ექსტრადაცია. უნდა გვესმოდეს ერთი რამ, როდესაც ითხოვ ექსტრადიციას გადმომცემი სახელმწიფო ან დააკმაყოფილებს ამ მოთხოვნას, ან არა. უკრაინულმა მხარემ მაშინ 2015 წლის აპრილში თქვა, რომ ჩვენ ვერ გადმოგცემთ მიხელ სააკაშვილს, იმიტომ რომ გვეჩვენება, რომ ეს დევნა არ არის წმინდა სამართლებრივიო. როგორც ჩანს მათ დღეს პოზიცია შეცვალეს. როგორც კი სააკაშვილი უკრაინაში დაბრუნდება, კიევი ექსტრადიციის პროცესის დაწყებას შეძლებს", - განაცხადა თეა წულუკიანმა.

                      26 ივლისს, საქართველოს ყოფილ პრეზიდენტს და უკრაინის ოდესის ოლქის ყოფილ გუბერნატორს, მიხეილ სააკაშვილს უკრაინის საიმიგრაციო სამსახურმა ქვეყნის მოქალაქეობა ჩამოართვა.

                      უკრაინის პრეზიდენტმა პეტრო პოროშენკომ საქართველოში ოფიციალური ვიზიტისას განაცხადა, რომ ქართულ მხარეს ექსტრადაცია არ მოუთხოვია. ამაზე მთავარმა პროკურორმა ირაკლი შოთაძემ თქვა, რომ ექსტრადიციაზე მოთხოვნა პროკურატურამ უკრაინას ორჯერ გაუგზავნა და რომ ექსტრადიციის შემაფერხებელი უკრაინის კონსტიტუციაა. მოგვიანებით პეტრო პოროშენკომ ინფორმაცია გადაამოწმა.

                        www.pia.ge
                        "ჰკითხეთ რატომ არ დადის "ჟიგულით" - დიმიტრი შაშკინი ალექსანდრე ჯეჯელავას მიმართავს

                        განათლების და მეცნიერების ექსმინისტრი დიმიტრი შაშკინი „ალიას“ ესაუბრა:

                        - აი, მართლა მარაზმის და სადიზმის გამოვლენაა, რომ ყველა აბიტურიენტი მაინც და მაინც ზაფხულში, პაპანაქება  სიცხეში შევყაროთ ერთ ოთახში და ასე ვაბარებინოთ გამოცდები. რა ხდება - კოლმეურეობაა? საბჭოეთში ვართ?! მართლაც სამარცხვინოა,  როცა ასეთი ფუნდამეტური პრობლემები გვაქვს და გამოდის მინისტრი და გვესაუბრება კონდენციონერზე და პასტაზე. ანუ, რეალური პრობლემიდან გადააქვს  ყურადღება. ხაზგასმით ვამბობ - ერთიანი ეროვნული გამოცდები აფერხებს განათლების განვითარებას. ამოწურა თავისი თავი. არსებობს შინაარსობრივი, ფუნდამენტური პრობლემები და როცა მოგვარდება ეს, მოგვარდება იმ კონდენცირების და პასტის პრობლემაც.


                        - როგორ?


                        - როდესაც შემოიღებენ იმ სისტემას, რომელიც ჩვენ დავუწერეთ და დავუტოვეთ, როცა მოსწავლე თავად გადაწყვეტს - როდის ჩააბაროს გამოცდები - ოქტომბერში თუ  ივლისში, ეს მოაგვარებს პრობლემას. თავისთავად დალაგდება ყველაფერი.


                        - ერთი საკითხია - კალამი. როგორი წესითაც არ უნდა ჩავატაროთ გამოცდები, ყოველთვის დაგვჭირდება კალამი. მინისტრი ამბობს, რომ დაუწესეს გარკვეული შეზღუდვები, რის გამოც ვერ წყდება ეს პრობლემა, თქვენ, როგორც ამ საკითხში ჩახედული ადამიანი, ყოფილი მინისტრი, რას გვეტყვით, რამდენად ქმნის ბარიერს სახელწიფო შესყიდვები?


                        - ჩემი მინისტრობის დროსაც ვიყენებდით ამ კალმებს და როგორ გახსოვთ, იდგა ეს პრობლემები? მოგახსენებთ –  ტენდერი მაშინაც ტარდებოდა. ამ საკითხს ვეკიდებოდით დიდი პასუხისმგებლობით, ბოდიში, მაგრამ  ბუნებრივია, თუკი კომისია ფეხეზე დაიკიდებს ტენდერის პირობებს, აირჩევს ყველაზე დაბალ ფასს და არ შეხედავს ხარისხს და ტენდერში გამარჯვეული კომპანიისგან არ მოითხოვს ხარისხის შენარჩუნებას, ბუნებრივია, მიიღებს  ამ შედეგს. სხვა რამეს რატომ ველოდებოდით?! ხომ ხედავთ, რომ არავის არაფერზე არ უნდა პასუხისმგებლობის აღება?! ჩვეულერივ კორუფციულ სქემასთან გვაქვს საქმე - ვიღაც აგებინებს ყველაზე დაბალფასიანს, მერე ვიღაცასთან მიდის "ატკატი", ხოლო სამინისტროში პროდუქტის  ნაცვლად მიდის ნაგავი. მაპატიეთ და, შეკითხვა მაქვს  ხელისუფლებასთან - საკუთარ ავტომობილებზე რომ აცხადებენ ტენდერებს, მილიონებს  რომ ხარჯავენ, რანაირად ახერხებენ რომ ასეთ ტენდერებში „ჟიგული“ არ იგებს?! ვინმეს გინახავთ, რომ ამ მთავრობაში, ასეთი „ტენდერების მსხვერპლი“, რომელიმე უწყების წარმომადგენელი „ჟიგულით“ დადიოდეს. „ტოიოტაზე“ და „ლექსუსზე“ ნაკლები ავტომანქანით რომელიმე გინახავთ?! რა გამოდის, რომ აბიტურიენტი, მოსწავლე დაბალი ღობეა. აბა, სამინისტროებში ნახეთ, როგორი კარგი და ხარისხიანი კალმებით წერენ.

                          www.alia.ge
                          "მე მჭირდები, ელე!!! გთხოვ იბრძოლო, გემუდარები, იბრძოლო!"

                          თბილისის მერობის კანდიდატმა ალეკო ელისაშვილმა ემოციური პოსტი მიუძღვნა თავის მეგობარს, რომელიც ავად არის და სნეულებას ებრძვის:
                           

                          ჩემი ელე...
                          ეს გოგო ელეა, ელენე ბაირამოვი. მე და ელე კლასელები ვიყავით. პირველი კლასიდან დავმეგობრდით. წინა არჩევნებზე ჩემი საარჩევნო შტაბის ბურჯი ელე იყო, ჩუმი და საქმიანი. შემდეგი სამი წელი საკრებულოში ყოფნისას ჩემი თანაშემწეა და ვისაც ჩემთან შეხება ჰქონდა და ყველამ იცის როგორი გულითადი, როგორი საქმიანი, როგორი დაუზარელია ელე. ცხოვრებაში არ მყოლია ასეთი საქმიანი და ერთგული ადამიანი გვერდით. ის ჩემი მარჯვენა ხელიცაა და მარცხენაც. ახლა კი, რამდენიმე თვეა ელე მძიმედ ავადაა. ელე სიმსივნეს ებრძვის, ელე გადარჩენისთვის იბრძვის. ერთ დღეს, უცბათ აღმოაჩნდა სიმსივნე და მას მერე იბრძვის, იბრძვის.... მე კი ახლა ვწერ იმას, რომ ამ გაგანია საარჩევნო პერიოდში თუ ვინმე მაკლია - ელეა, დაუღალავი, ენერგიული ელე. ყველაზე გადაუჭრელ პრობლემასაც რომ მშვიდად და აუღელვებლად აგვარებს ის ელე, ამას იმიტომ ვწერ რომ საჯაროდაც გთხოვო არ მოეშვა, არ გაბედო ხელების ჩამოყრა. არ გაბედო ჩემი ამ უზარმაზარ საქმეში უშენოდ მიტოვება. მე მჭირდები, ელე!!! გთხოვ იბრძოლო, გემუდარები, იბრძოლო!!! უზარმაზარი საქმეები გველის. უზარმაზარი პრობლემებია ქალაქში მოსაგვარებელი და უშენოდ ვერაფერს გავწვდები. ეს წლებია პრობლემებს რომ ინიშნავ და მათ მოგვარებაზე ოცნებობ, აი, ისინი მოსაგვარებელია. ჩემო ელე, გემუდარები იბრძოლო. შენ უნდა დაამარცხო ეგ ოხრობა, უნდა მოერიო და მალე, სულ მალე ისევ ისე შემართებით უნდა მოხვიდე სამსახურში. უარი არ მიიღება, არა, არა... ასე არასოდეს არაფერი მითხოვია შენთვის, ჩემო ელე".

                          "მე მჭირდები, ელე!!! გთხოვ იბრძოლო, გემუდარები, იბრძოლო!"

                          www.mediamall.ge

                          "საქართველოს მესამე პრეზიდენტს, ვაცლავ ჰაველის საფლავზე მიტანილი თაიგულისთვის ასამართლებენ"

                          რა მნიშვნელობა აქვს სახელს და გვარს. საქართველოს მესამე პრეზიდენტს, ვაცლავ ჰაველის საფლავზე მიტანილი თაიგულისთვის ასამართლებენ ნორმალურია?

                          წარმოიდგინეთ, გადის წლები და თქვენი შვილიშვილები ისტორიის წიგნში კითხულობენ.

                          საქართველოს მესამე პრეზიდენტს ბრალად წარედგინა ბიუჯეტიდან თანხების გაფლანგვა, რაც დასტურდება შემდეგი ფაქტებით.

                          1. შეიძინა 6 პიჯაქი. ( აქ ქაშმირია მნიშვნელოვანი)
                          2. შეიძინა თაიგული ხატია ბუნიათიშვილისთვის.
                          4. ჰაველის თაიგულზე უკვე მოგახსენეთ. ამ ნაწილში 500 ლარია სადღაც "გაფლანგული". დასაფლავებაზე მიუტანია. 
                          5. ბავშვებისთვის დასარიგებლად შეიძინა წიგნები. პროკურორების ინტერესს განსაკუთრებით იწვევს ზღაპარი 3 გოჭი.

                          გძულთ, გაგაბრაზათ, აღიარებთ, არ აღიარებთ. ეს რაც ხდება ნორმალურია?



                          ავტორი: ნანუკა ჟორჟოლიანი

                          www.mediamall.ge
                          "რადგან დეფექტი მქონდა, მშობლებმა მიმატოვეს... წლების მერე ისეთი სიცივე ვიგრძენი დედისგან..."
                          თამარ (ბუდე) აბრამიშვილი, თბილისი
                          „აქ, ახლა სადაც ვცხოვრობ კასპის სოფლის ახალქალაქიდან მოვხვდი. იქ ბავშვთა სახლში ვცხოვრობდი, სკოლაც იქ დავამთავრე და შემდეგ ტექნიკუმში ვსწავლობდი, რომლის დამთავრების შემდეგ კავშირგაბმულობაში გამანაწილეს ოპერატორად. ეს საერთო საცხოვრებელიც კავშირგაბმულობას ეკუთვნის და ამიტომ მოვხვდი აქ. თუმცა, ის ჩემი სამსახურიც დაიხურა და დავრჩი ასე...
                          როგორც კი გავჩნდი, რადგან დეფექტი მქონდა, მშობლებმა მიმატოვეს და სამშობიაროდან კასპის ბავშვთა სახლში მოვხვდი. 17 წლამდე მანდ ვცხოვრობდი. ბავშვთა სახლში ჩვეულებრივი ბავშვობა მქონდა, სიმშვიდე და სიწყნარე იყო. ხანდახან ვნატრობ, ნეტავი ისევ იქ ვიყო.
                          მე ჩემი მშობლები წლების მერე ვნახე, მაგრამ ჯობდა ჩემთვის ვყოფილიყავი. მათი პოვნა არც ისე რთული იყო, მაგრამ ჯობდა საერთოდ არ მეპოვა. აზრი არ აქვს. ისეთი სიცივე ვიგრძენი, რომ უკეთესი იქნებოდა, სამარე გამეხსნა ჩემთვის. კი ვნანობდი მერე, აზრი არ აქვს. თავიდან მშვიდად იყვნენ, მაგრამ მერე დაიწყეს ბინაზე შფოთვა, რომ არ წამერთმია. დედმამიშვილი დამხვდა და იფიქრეს, რომ ბინის წილს მოვინდომებდი. ხომ იცი როგორ ხდება? „რძალს მოიყვან, ინვალიდი მული ეყოლება...“
                          იცი, ტვინის უჯრედში სიცივე უფრო რატომ მაქვს? დედაჩემსაც და მეც ერთი სახელი გვქვია. მამის გვარი სხვა არის და მე დედაჩემის სახელი და გვარით ვარ. მეუბნებოდა გვარი შეიცვალეო. ამიტომ, არ მომწონს, როცა სახელს მეძახიან. ბუდე მირჩევნია.
                          დედაჩემს მუცლის მოშორება უნდოდა, რამდენადაც ვიცი ორი ნაყოფი ჰყავდა, მაგრამ ვერ მომიშორა და ასეთი დავიბადე. ეს ამბავი რომ მომიყვა, ვუთხარი, ჯობდა არ მოგეყოლა საერთოდთქო.
                          იცი, რა დარტყმა იყო, რომ მივედი და კარები გააღო? ლამის შემომაკვდა. ბრაზი და აგრესია მქონდა. როგორია ადამიანის ნახვა რომ არ გინდა და კარს ხსნი და შენი შვილი გეფეთება? უარესი დარტყმა მივიღე. როგორც მივედი, ისევე ავიკრიფე ჩემი გუდა-ნაბადი და წამოვედი ისევ აქ, საერთო საცხოვრებელში.
                          არ მიყვარს ეს სიტყვა „დედა“, არ მიდის ჩემს გულამდე. 
                          ახალი წელი რომ მოდის, მარტო ვარ. როგორია დგახარ შენთვის იმ კარებში, რომელშიც არავინ შემოდის ახალ წელს. მერე ტელეფონსაც ვთიშავ და ვარ ჩემთვის მარტო. აქ კი მეპატიჟებიან ხანდახან, მაგრამ მარტო ყოფნა მირჩევნია. დილით რომ მკითხავენ სად იყავიო, ვატყუებ, ნათლიასთან ვიყავითქო, ამ დროს კი, ისევ აქა ვარ, ჩემს ბინაში. ძნელია, არავინ რომ მოგდის.
                          ძალიან მიჭირს, მაგრამ ვუძლებ ამ სიტუაციას. ჩემი შემოსავალი პენსია და სოციალური დახმარებაა. დრო და დრო ვეძებ სამუშაოს, მაგრამ ძალიან რთულია რამის პოვნა. სახლში თვითონ ვაკეთებ ყველაფერს, საჭმლის გაკეთება იქნება ეს თუ სარეცხი. აბა, სხვა ვინ გამიკეთებს?! ვის უნდა სთხოვო?! სანამ მაჯა გაქვს უნდა მიხედო თავს, სხვა გზა-კვალი არ არის. უბრალოდ, ის არის, რომ მარტოობა მძიმე ტვირთია. მიჩვეული კი ვარ, მაგრამ დღესასწაულებზე მაინც მარტო ყოფნა გულს მიკლავს. როგორია, ფანჯარაში იყურები და შენ ისევ მარტო ხარ?!
                          12 თუ 13 კვადრატული მეტრია ჩემი საცხოვრებელი. საერთო აბაზანა-ტუალეტია. ძნელი პირობებია აქ ჩემთვის. ერთი ქალი მეუბნებოდა, განცხადება დაწერე დევნილთა და განსახლების სამინისტროში ბინაზეო. რა აზრი აქვს?! აქედან მაინც მოვშორდებოდი, ჩემი ერთი ოთახი და პირობები რომ მქონდეს, სხვის შემხედვარე რომ არ ვიყო. ხანდახან ნათლიაჩემთან მივდივარ და ვრჩები. იქ მშვიდად ვარ. აბაზანაში მაინც შევდივარ ჩემ გემოზე.
                          პენსია 14 რიცხვშია ხოლმე, მაგრამ მანამდე რა ვქნა? ან ვის რა უნდა მოვთხოვო, ბავშვო?! არც კომპიუტერი მაქვს და ეს მობილურიც გაფუჭებულია, რომ ვინმემ დამირეკოს.
                          ჩემი მდგომარეობა რომ გავაცნობიერე, თავისთავად განვიცადე. ახლა თითქოს მივეჩვიე, მაგრამ ხან ისე ვარ, ხან ასე. მაგრამ ხო იცი? შენი ქვა შენ უნდა ატარო. ასე ვატარებ სიმწრის ქვას ყოველდღე. მეტი რა გზა მაქვს?! რა ვქნა?! ოცნებით თუ ვიოცნებე, სული გამძვრება. დამთავრდა ჩემი ოცნებები. მაღლა ღმერთის იმედი მაქვს მარტო, მეტი არაფრის იმედი აღარ მაქვს.“
                          ავტორი: ნინო გამისონია
                          ფოტო: სალომე ცოფურაშვილი


                          © 2017 სოციალური პროექტი „ქალები საქართველოდან“ ხორციელდება ქალთა საინიციატივო ჯგუფის „ქალის ხმა“ მიერ. (ავტ. მაიკო ჩიტაია; იდა ბახტურიძე; ნინო გამისონია). ფოტო: ნინა ბაიდაური; სალომე ცოფურაშვილი. პროექტი მიმდინარეობს ეროვნულ-დემოკრატიული ინსტიტუტის (NDI) მხარდაჭერით და შვედეთის განვითარების სააგენტოს (SIDA) ფინანსური მხარდაჭერით. 
                          #ქალებისაქართველოდან
                          "ვეძებ ფულს, რომელიც მედო ჩანთაში და აღარაა"

                          ირინა სარიშვილი თანხის დაკარგვის შესახებ სოციალურ ქსელში წერს.

                          "გუშინდელი საღამოდან ვქექავ ჩანთას, გადავატრიალე მთელი სახლი, ვეძებ ფულს, ჩემთვის ბევრს და ვიღაცისთვის ალბათ ცოტას, რომელიც მედო ჩანთაში და აღარაა... ალბათ ქუჩაში ამოვაყოლე რაღაცას და ვინც შეეფეთება ჰალალი იყოს. 

                          ეხლა ვზივარ და ვფიქრობ ჩემთვის – ვინ იცის რას ვარ გადარჩენილი. ეგებ ამ ფულით სემიჩქა უნდა მეყიდა, გადამცდენოდა და დავმხრჩვალიყავი, ან ტაქსში ჩავმჯდარიყავი და ავარიაში მოვყოლილიყავი ან რა ვიცი კიდე რა... მოკლედ დავასკვენი რო სიკვდილს ვარ გადარჩენილი და გმადლობ შენ ღმერთო რო ეს ფული დამაკარგვინე... ეხლა ბარემ ისე ქენი რო ცა გეიხსნას და რამე ისეთი კაი დემეცეს თავში რო სულ დამავიწყოს ამ ფულის დაკარგვის ამბავი. გეყურება ღმერთო?", -  წერს ირინა სარიშვილი.



                          www.digest.pia.ge

                          "პატრული მოვიდა, ბომბია რუსთავი 2-შიო" - ნოდარ მელაძე

                          ტელეკომპანია "რუსთავი 2"-ის საინფორმაციო სამსახურის ხელმძღვანელი ნოდარ მელაძე სოციალურ ქსელში ინფორმაციას ავრცელებს.

                          "ჯერ პატრული მოვიდა, ბომბია რუსთავი 2-შიო, ახლა სახანძრო, შენობა იწვისო, შემდეგ სასწარაფო. საქართველოს შინაგან საქმეთა სამინისტრო / Ministry of Internal Affairs of Georgia იქნებ გაარკვიოთ საიდან შედის 112-ზე ცრუ შეტყობინებები", - წერს ნოდარ მელაძე სოციალურ ქსელში.





                          www.digest.pia.ge

                          „ბორისპოლის“ აეროპორტის სატრანზიტო ზონაში ვიცხოვრებ, კარგი რემონტია გაკეთებული" - სააკაშვილი

                          მიხეილ სააკაშვილი უკრაინის ხელისუფლებისგან მოქალაქეობის ჩამორთმევის შესახებ დოკუმენტს ელოდება.

                          უკრაინულ ტელეარხებთან ინტერვიუში სააკაშვილმა პეტრო პოროშენკო არამხოლოდ უკრაინის კონსტიტუციის, არამედ საერთაშორისო ნორმების დარღვევაში დაადანაშაულა. სააკაშვილი ამბობს, რომ უკრაინაში ყველა შესასვლელი და გამოსასვლელი იცის და ეს უკრაინის პრეზიდენტს არ უნდა დაავიწყდეს. „პოროშენკომ არ დაივიწყოს, რომ მე ყოფილი უკრაინელი მესაზღვრე ვარ. მე უკრაინაში ყველა შესასვლელი და გამოსასვლელი ვიცი“, - განაცხადა სააკაშვილმა.


                          კითხვაზე, რას გააკეთებს იმ შემთხვევაში, თუ უკრაინაში არ შეუშვებენ, მიხეილ სააკაშვილმა უპასუხა, რომ აეროპორტის სატრანზიტო ზონაში იცხოვრებს.


                          „ბორისპოლის“ აეროპორტის სატრანზიტო ზონაში ვიცხოვრებ. მანდ კარგი რემონტია გაკეთებული, აეროპორტის დირექტორი ჩემი მეგობარია. იმედია, მომიძებნის კომფორტაბელურ ადგილს. ეს ხუმრობით. თუმცა, მე მოვძებნი შესაძლებლობებს“,- განაცხადა სააკაშვილმა.

                            www.pirveliradio.ge
                            ,,ხელახლა გადავიტან იმ უზომო ტკივილს, რაც პატარა ანას დედის ტრაგედიით დამატყდა თავს"
                            ექიმების უვიცობით, გულგრილობითა და უყურადღებობით დაღუპული მშობიარეები და გაუბედურებული ოჯახები. 
                            ერთ-ერთი ასეთი ოჯახი ჩვენც ვართ. 
                            უმძიმესი იყო ჩვენთვის ჩაწერა ამ თემაზე, უმძიმესი იქნება ამის ნახვაც... ხელახლა გადავიტან იმ უზომო ტკივილს, რაც პატარა ანას დედის ტრაგედიით დამატყდა თავს, მაგრამ, ვფიქრობ, საჭიროა ამაზე ლაპარაკი და ხელისუფლების მხრიდან რეალური ნაბიჯების გადადგმა, რათა სხვები გადარჩნენ.
                            მადლობა სტუდია "მონიტორს".

                            www.mediamall.ge
                            პოროშენკო მემუქრებოდა - სად იმყოფება ამჟამად მიხეილ სააკაშვილი

                            ოდესის ოლქის გუბერნატორი, მიხეილ სააკაშვილი აცხადებს, რომ მას უკრაინის პრეზიდენტი ემუქრებოდა. ტელეკომპანია ZIK -თან საუბრისას საქართველოს ყოფილმა პრეზიდენტმა განაცხად, რომ ბოლოს პეტრო პოროშენკოს ის მაისში, მალტაში შეხვდა.

                             

                            "ჩვენი საუბარი ორი საათი გრძელდებოდა. პოროშენკო მემუქრებოდა და მისი კრიტიკის და ჩემი პოლიტიკური საქმინობის შეწყვეტისკენ მომიწოდებდა. და თუ მას დავუჯერებდი, მპირდეობა, რომ ორ წელში მექნებოდა ჩემი ფრაქცია პარლამენტში, ციტირებას მოვახდენ "ნიშა უკრაინულ პოლიტიკაში". ყველა მუქარაზე ღიმილით ვპასუხობდი, უარი ვუთხარი მის მოთხოვნის შესრულებაზე" - აღნიშნა მიხეილ სააკაშვილმა.

                             

                            როგორც მან ZIK -თან ინტერვიუში განაცხადა, ამჟამად ნიუ-იორკში იმყოფება. 

                             

                            www.mediamall.ge

                            დედამ დახოცა თავისი შვილები და შემდეგ თავი მოიკლა იმის გამო, რომ მოღალატე ქმრისთვის შური ეძია...

                            36 წლის ჯესიკა ედენსმა საკუთარი შვილები, 9 წლის ჰეიდენი და 5 წლის ჰარპერი იარაღით დახოცა მხოლოდ იმიტომ, რომ მეუღლემ სამსახურში თანამშრომელ გოგონასთან, 28 წლის მერედიდ ჰარმთან უღალატა. ახალგაზრდა ქალი ბავშვების სიკვდილამდე რამდენიმე დღით ადრე საკუთარ მანქანაში იპოვნეს მოკლული.

                            მას შემდეგ, რაც ჯესიკამ ბავშვები დახოცა, ქმარს დაურეკა და უთხრა, რომ დროა მოღალატე საკადრისად დაისაჯოს და ტანჯვასა და დანაკარგში გაატაროს ცხოვრება. ყურმილის დადების შემდეგ ქალმა თავი მოიკლა.

                            ბალისტიკურმა ანალიზმა დაადასტურა, რომ ავტმობილში ნაპოვნი ქალი სწორედ იმ იარაღით არის მოკლული, რომელი იარაღითაც ბავშვები და ჯესიკა იყვნენ გარდაცვლილი. როგორც აღმოჩნდა, შურისმაძიებელი ცოლი ჯერ ქმრის საყვარელს გაუსწორდა და შემდეგ ოჯახი ამოხოცა.

                            www.mediamall.ge

                            ,,სააკაშვილს შევხვდი ნიუ იორკში..."

                            სააკაშვილს შევხვდი ნიუ იორკში. არ ვიცი მერამდენედ, არ დამითვლია, მაგრამ კიდევ ერთხელ დავრწმუნდი, რომ ასეთ შთამბეჭდავ და მასშტაბურ პერსონას მეორეს არ ვიცნობ. აქვე აღვნიშნავ, შეიძლება მოგწონდეს ან არა, მაგრამ მასშტაბს ვერ ხედავდე და არ აღიარებდე - ან პერსონალური სიძულვილისგან თვალებდაბინდებაა, ან გონებასუსტობა.
                            უკრაინას რაც შეეხება, ისეთი თვალებანთებული და თვითდარწმუნებული მელაპარაკა, კარგა ხანია ასეთი არ მინახავს. აშკარად საჩუქრი გაუკეთა პოროშენკომ და არ იცის. ჯერ, ყოველ შემთხვევაში და არ გამოვრიცხავ, მალე გაიგოს 



                            ავტორი: ნიკა გვარამია

                            www.mediamall.ge
                            ,,რატომ არ აქცევენ ყურადღებას აზერბაიჯანის საზღვრის აქეთ ნელ-ნელა მოწევას?! "

                            წინა ხელისუფლების დროს რატომ დაარქვეს კოდორის ხეობას ზემო აფხაზეთი, ( აგვისტოს ომის მერე რუსეთმა მიუზომა აფხაზეთს ), ან რატომ აღადგინეს ეროვნული ხელისუფლების მიერ გაუქმებული ე.წ სამხრეთ ოსეთის ავტონომიური ოლქი და სამაჩაბლოს კვლავ საბჭოთა კავშირის დროინდელი სახელწოდება "სამხრეთ ოსეთი" დაუბრუნეს და საზღვრებიც აღუდგინეს. ხოდა , ახლა ამ მცოცავი ოკუპაციით რუსეთი ამ საზღვრებამდე მოცოცავს. სომხეთს რატომ აჩუქეს ჰუჯაბის მონასტრის ტერიტორია მიმდებარე ნაკრძალითურთ?! რატომ არ აქცევენ ყურადღებას აზერბაიჯანის საზღვრის აქეთ ნელ-ნელა მოწევას?! თურქეთს რომ ბათუმი კვლავ თავისი ჰგონია, ამას აპროტესტებს ვინმე? 
                            ვწეროთ და ვიკითხოთ აქ 
                             . საქართველოს მტრები კი მოქმედებენ დაუზარელად 



                            ავტორი: ანა მიქაუტაძე

                            www.mediamall.ge
                            "მინდა გაგაფრთხილოთ! ჩემს ნიკოლოზს ნაკბენი ჰქონდა ლოყაზე" - მშობლებო, ყურადღებით!

                            ფეისბუქმომხმარებელმა ნინო კობალაძემ ფოტო სოციალურ ქსელში გამოაქვეყნა და მშობლებს სიფრთხილისკენ მოუწოდა.

                            “მინდა გაგაფრთხილოთ! ჩემს ნიკოლოზს ნაკბენი ჰქონდა ლოყაზე, ყურთან ახლოს, კოღოს ჩვეულებრივი, გაღიზიანებული ნაკბენი მეგონებოდა, რომ არა “იმედი L”-ის ექიმის რუსა ჯოჯუას სწორი დიაგნოზი, ეჭვი ბორელიაზზე გამართლდა. ინფექციურ საავადმყოფოში აღმოვჩნდით. მადლობა ღმერთს და ქალბატონ მაია ზალდასტანიშვილს, რომ დროულად აღმოვაჩინეთ. 2 დღის მკურნალობის შემდეგ უკეთესად ვართ.

                            ბორელიოზი, იგივე ლაიმის დაავადება,საკმაოდ ფართოდ გავრცელებული ინფექციაა, რომელიც გადაიტანება ტკიპების მეშვეობით. სად ვიშოვეთ ეს ტკიპა არ ვიცი, მაგრამ ინფექციურში და სადაზღვევოში მითხრეს, რომ წელს განსაკუთრებულად დიდია მიმართვიანობა ამ დაავადებით. P.S. პირველი სტადია ვითარდება ტკიპის კბენიდან ერთ კვირაში ან უფრო გვიან და გრძელდება 3-დან 33 დღემდე. ნაკბენ ადგილას ჩნდება დამახასითებელი მრგვალი, წითელი ლაქა ღია ფერის ცენტრით. ყურადღებით იყავით, არ გამოგეპაროთ მსგავსი სიმპტომები!”, - წერს ნინო კობალაძე.



                            www.digest.pia.ge

                            დღეები, როდესაც დენი, წყალი და გაზი დავალიანების გადაუხდელობის გამო აღარ გაგეთიშებათ

                            სემეკმა აღნიშნული დადგენილება 2017 წლის 21 ივლისს გამოსცა.

                            დღეს ამოქმედდა სემეკის დადგენილება, რომლის თანახმადაც, ელექტროენერგიის, გაზისა და წყლის დავალიანების გადაუხდელობის გამო, კომპანიები მომხმარებელს საღამოს, შაბათ-კვირას, უქმე დღეებსა და უქმე დღეების წინა დღეებში დენს, გაზსა და წყალს ვეღარ გაუთიშავენ.


                            გარდა ამისა, დადგენილებებში მითითებულია, რომ დავალიანების გადაუხდელობისთვის გათიშული მომარაგების აღდგენა, მომხმარებლის მიერ ამ დავალიანების გადახდის დამადასტურებელი ქვითრის წარდგენიდან არაუმეტეს 5 საათში უნდა მოხდეს.

                              www.allnews.ge
                              „ეგდე ჩუმად შე კეთილძაღლო! რა შენი ტრაკის საქმეა ბიძინას მონები იქნებიან, თუ რუსეთის ეს იდიოტები?!“
                              „ქალაქის პრესტიჟულ უბანში გაქვს სახლი?
                              გაქვს.
                              სოფლად?
                              გაქვს...
                              თბილისის შემოგარენში გაქვს საკარმიდამო ნაკვეთები?
                              გაქვს.
                              შავ ზღვაზე გაქვს აგარაკი?
                              გაქვს...
                              ევროპის ერთერთ უძლიერეს სახელმწიფოში გაქვს სახლ-კარი?
                              გაქვს...
                              ოჯახის წევრებს აქვთ კარგი სამსახური?
                              აქვთ.
                              შვილები იღებენ საუკეთესო განათლებას?
                              იღებენ...
                              ავტომანქანა?
                              სუპერ კლას...
                              საჭმელ-სასმელი?
                              თავზედ საყრელი... 
                              ჰოდა ეგდე ჩუმად შე კეთილძაღლო! რა შენი ტრაკის საქმეა ბიძინას მონები იქნებიან, თუ რუსეთის ეს იდიოტები?!
                              რას ალანძღვინებ პატიოსან დედ-მამას ამ გონება ჩლუნგებს. არ მოსტყვნიათ პატრონი?! 
                              მასტყვნიათ მაშ...
                              ჰოდა ეგრეე რაა....“ - წერს ნუგზარ სულაშვილი.

                              www.alia.ge