მიხეილ სააკაშვილი უკრაინის სუვერენიტეტის ხელყოფის მცდელობისთვის შეიძლება დასაჯონ

უკრაინის სუვერენიტეტის ხელყოფის მცდელობისთვის მიხეილ სააკაშვილის დასჯას ითხოვს უკრაინელი უფლებადამცველი ოლეგ კურჩინი, რომელმაც ქვეყნის გენპროკურატურა შესაბამისი განცხადებით უკვე მიმართა.

ამის შესახებ გამომცემლობა „Сегодня.ua“ წერს.


უფლებადამცველი თვლის, რომ სააკაშვილმა თავის გამოსვლაში ოდექის ოლქზე შეურაცხმყოფელად ისაუბრა.


გამომცემლობას სააკაშვილის სიტყბვებიც მოჰყავს: „რა თქმა უნდა, ისინი ხელს მიშლიდნენ, ვიცოდი, რომ ყველა ხელს შემიშლიდა, რამდენადაც ეს სეპარატისტული რეგიონია, მანდ ხელისუფლებაში ყველანი სეპარატისტები არიან“.


„ეროვნული შუღლის გაღვივებამ, რასაც მიხეილ სააკაშვილის ქმედება უწყობდა ხელს, შესაძლოა ოდესის, კიევის, დონეცკის, ლუგანსკის მოსახლეობა ერთმანეთს დაუპირისპიროს“, – აცხადებს უფლებადამცველი კურჩინი.

pia.ge
საქართველო ყველაზე უსაფრთხო ქვეყნების შვიდეულში მოხვდა

დანაშაულის მაჩვენებლის დაბალი დონის მიხედვით, საქართველო მსოფლიო ქვეყნებს შორის მე-7 ადგილზე გავიდა. შესაბამისი რეიტინგი საიტმა Numbeo-მ შეადგინა, რომელიც მსოფლიოში სტატისტიკური მონაცემების უმსხვილეს ბაზას წარმოადენს.

კვლევის თანახმად, რომელმაც 125 ქვეყანა მოიცვა, საქართველო მე-7 ადგილზეა, მეზობელი აზერბაიჯანი და სომხეთი კი მე-18 - მე-19 პოზიციებზე არიან.


უსაფრთხო ქვეყნების პირველ ათეულში შევიდნენ ასევე ყატარი, სინგაპური, არაბეთის გაერთიანეული საემიროები, ჰონკონგი, იაპონია, დანია და ბელარუსი.


ყველაზე კრიმინალურ ქვეყნებად ვენესუელა, პაპუა - ახალი გვინეა, ჰონდურასი, სამხრეთ სუდანი, სამხრეთ აფრიკის რესპუბლიკა, სალვადორი, ნიგერია, ბრაზილია, ტრინიდადი და ტობაგო დასახელდნენ.


pia.ge

ბიძინა ივანიშვილი საპატრიარქოში მივიდა..
საპატრიარქოში ყოფილი პრემიერ-მინისტრი ბიძინა ივანიშვილი მივიდა.

მთავრობის ყოფილი თავმჯდომარე, სავარაუდოდ, სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს მოინახულებს.

ბიძინა ივანიშვილი საპატრიარქოში მეუღლესთან ერთად მივიდა. მას მედიასთან კომენტარი არ გაუკეთებია.


www.allnews.ge
"პატრიარქი სააკაშვილთან სადილობის დროს მოწამლეს!"

ორგანიზაცია, "ყოფილი პოლიტპატიმრები – ადამიანის უფლებებისთვის" ხელმძღვანელი ნანა კაკაბაძე გაზეთ "ასავალ-დასავალთან" საქართველოს პატრიარქის შესახებ სკანდალურ ინფორმაციას ახმაურებს.

"ეს მოხდა საპატრიარქოში სააკაშვილის ერთ-ერთი სტუმრობის დროს. კერძოდ, სააკაშვილი პატრიარქთან სადილზე იყო მისული და სუფრასთან სასულიერო მოღვაწეების გარდა, საერო პირებიც ისხდნენ. როგორც კი სადილი დამთავრდა და სააკაშვილმა საპატრიარქო დატოვა, პატრიარქი ცუდად გახდა. უწმინდესმა მაშინვე თქვა – მოწამლული ვიქნებიო და მართლაც, ასე აღმოჩნდა. მას თოდუას კლინიკაში ზუსტად ის პროცედურები ჩაუტარეს, რაც მოწამლული ადამიანის გამოსაჯანმრთელებლად იყო საჭირო. პატრიარქის ცუდად ყოფნის ამბავი რომ შევიტყვე, მეორე დღესვე საპატრიარქოში მივედი და მისი უწმინდესობის ამბავი ვიკითხე. დედებმა და სხვა სასულიერო პირებმა მითხრეს – სადილზე სააკაშვილი იყო მოსული და მისი წასვლის შემდეგ, პატრიარქი მაშინვე ცუდად გახდა, გაირკვა, რომ მოწამლული იყოო.


საპატრიარქოში ასეთი პასუხი რომ მივიღე, სასულიერო პირებს კიდევ ერთხელ ვკითხე -ექიმებმა დაადგინეს, რომ პატრიარქი ნამდვილად მოწამლული იყო-მეთქი? დიახ, დადასტურდა, რომ მოწამლული იყოო, – მიპასუხეს! საპატრიარქოში პატრიარქისთვის ყოველთვის ახალი და ხარისხიანი საჭმელი მზადდება და ნაკლებად სავარაუდოა, რომ იგი უვარგისი კერძის მირთმევის გამო მოწამლულიყო, თანაც, იმ სუფრასთან კიდევ რამდენიმე ადამიანი იჯდა, მაგრამ პატრიარქის გარდა, არავინ მოწამლულა. ასე რომ, სრულიად ლოგიკურია კითხვა – სააკაშვილთან სადილობის შემდეგ მაინცდამაინც უწმინდესი რატომ შეიქმნა ცუდად და რატომ გახდა საჭირო თოდუას კლინიკაში მისი სასწრაფოდ გადაყვანა? როგორც გითხარით, პატრიარქმა თვითონვე იგრძნო, რომ მოწამლული იყო და ისეთი სიტყვები წარმოთქვა, რომელიც პირადად მე, მარწმუნებს, რომ მისი მოწამვლა სააკაშვილთან სადილობას უკავშირდებოდა!" – აცხადებს ნანა კაკაბაძე გაზეთ "ასავალ-დასავალთან" ინტერვიუში.


ამავე ინტერვიუში, ფრიდონ თოდუამ გამოცემასთან კატეგორიულად უარყო პატრიარქის შესაძლო მოწამვლის ფაქტი და აღნიშნა, რომ პატრიარქი კლინიკაში მოწამვლის გამო არასოდეს ყოფილა. თუმცა, მისივე თქმით, საქართველოს პატრიარქს თოდუას კლინიკაში სხვადასხვა პროფილაქტიკური გამოკვლევები ჩაუტარებია.

    წყარო: ასავალ დასავალი
    "მეგრელებს მალე დამოუკიდებელი რესპუბლიკა ექნებათ?!"
    სამეგრელო სუვერენული, დემოკრატიული რესპუბლიკაა, რომელიც საქართველოს რესპუბლიკის შემდგენლობაში შედის, - ასე იწყება სამეგრელოს კონსტიტუციის სამუშაო პროექტი, რომლის ინიციატორი და ავტორიც რაჟდენ თოდუაა. ის ზუგდიდის სოფელ ნარაზენიდანაა და ამჟამად სანკტ-პეტერბურგში ცხოვრობს. კონსტიტუციის პროექტი 61 მუხლისგან შედგება, რომლის თანახმად, სამეგრელოს აქვს კანონით დადგენილი საკუთარი სიმბოლოები – დროშა, გერბი და ჰიმნი. რესპუბლიკის დედაქალაქია ზუგდიდი. მისი საზღვრები და ტერიტორია კი ხელშეუხებელია - არ ექვემდებარება შეცვლას, ან დაყოფას.

    კონსტიტუციის მიხედვით, რომელიც ავტორმა თავად მოგვაწოდა, სამეგრელოს რესპუბლიკას ჰყავს პრეზიდენტი. ის ინაუგურაციაზე ფიცს ხალხის წინაშე მშობლიურ, მეგრულ ენაზე დებს. სწორედ ამ ენაზე უნდა განხორციელდეს საქმისწარმოებაც პროექტის ამოქმედების შემთხვევაში. ერთი სიტყვით, მეგრული სცდება მის დღევანდელ, ყოველდღიურ, საყოფაცხოვრებო უბრალო სამეტყველო ფუნქციას და ხდება ენა, რომელზეც წარიმართება სამუშაო თუ სასწავლო პროცესი. თუმცა, ამავდროულად სახელმწიფო ენად მეგრულთან ერთად რესპუბლიკაში რჩება ქართული.

    საქართველოს რესპუბლიკას და სამეგრელოს რესპუბლიკას შორის ურთიერთობები საქართველოს კონსტიტუციის ფარგლებში, მოლაპარკებების და შეთანხმებების საფუძველზე უნდა დარეგულირდეს. ერთ-ერთი მთავარი პირობა კონსტიტუციის პროექტის კი ის არის, რომ სამეგრელოს რესპუბლიკა უფლებას იტოვებს, გამოვიდეს საქართველოს რესპუბლიკის შემადგენლობიდან, სამეგრელოს ხალხის საყოველთაო რეფერენდუმის გადაწყვეტილების თანახმად.

    რაჟდენ თოდუამ სამეგრელოს კონსტიტუცია დაახლოებით 17 წლის წინ დაწერა. ამბობს, რომ მაშინ იმედი ჰქონდა საქართველო მზად იყო ცვლილებებისთვის, და ახალი სახელმწიფოს მშენებლობის პირობებში, დემოკრატიული პრინციპების საფუძველზე ყველას ექნებოდა საკუთარი იდენტობის, მშობლიურ ენაზე საუბრის და მუშაობის უფლება. თავს ყოველთვის მეგრელად მიიჩნევდა და დღესაც თვითმყოფადობის შესანარჩუნებლად ამ საკითხის დარეგულირების კონსტიტუციურის გარდა, სხვა გზას ვერ ხედავს. პეტერბურგში სწავლის პერიოდმა კიდევ უფრო დაარწმუნა, რომ კოლხები არიან და ჯერაც შესაძლებელია ძველი სახელმწიფოებრიობის აღდგენა, სადაც კავკასიაში მცხოვრებ კოლხ ტომებს ექნებათ გარემო საკუთარი თავის გადასარჩენად.

    „ჩემი აზრით, საქართველოს სახელმწიფო მოწყობის ცვლილებების დრო უკვე მოვიდა, დაგვიანებული თუ არ არის. ასეთმა ცალმხრივმა მიდგომამ, ქართველების თავმომწონეობამ მიიყვანა საქართველო დღევანდელ პოლიტიკურ მდგომარეობამდე. ეკონომიკურ ჩამორჩენამდე, ტერიტორიების დაკარგვამდე. გასაგებია, ამ აზრის მოწინააღმდეგეები იქნებიან. უკეთესია იმ სიმართლის თქმა, რომელიც მაგრა გატკენს და შემდეგ გადაგარჩენს, ვიდრე ტყუილი, რომელიც ტკივილს მოგიდუნებს და მერე მოგკლავს. მეგრელებმა საკუთარი თავის თვითშეფასება უნდა გავზარდოთ, როგორც დიდმა ერმა“, - უთხრა რაჟდენ თოდუამ „ლაივპრესს“. მასთან ინტერვიუ მეგრულ ენაზე წარიმართა, რადგან როგორც თავად ამბობს, ქართულ ენას არ ფლობს.

    კონსტიტუციის პროექტის კიდევ ერთი ჩანაწერის მიხედვით, სამეგრელოს აქვს საკუთარი მოქალაქეობა. სამეგრელოს რესპუბლიკის მოქალაქე კი ამავდროულად არის საქართველოს რესპუბლიკის მოქალაქეც. თავის მხრივ, საქართველოს მოქალაქეები სარგებლობენ ყველა უფლებით და ძირითადი თავისუფლებებით სამეგრელოს ტერიტორიაზე, თუმცა აკისრიათ თანაბარი მოვალეობები ორივე რესპუბლიკის კონსტიტუციების და საერთაშორისო სამართლის საყოველთაოდ აღიარებული პრინციპების და ნორმების თანახმად.

    პროექტის მიხედვით, ყველა ადამიანი უნდა სარგებლობდეს მოქალაქეობის და ეროვნული წარმომავლობის მითითების უფლებით და არავის აქვს უფლება აიძულოს ადამიანს ან ერთი, ან მეორე.

    „ეს ჩვენს ერთიანობას ხელს არ უშლის. მე არსად მითქვამს საქართველოს დაშლა. ახალი პოლიტიკური სისტემის, ისტორიულად რომ აქ სახელმწიფო იყო, მისი აღორძინება მინდა, სახელის დაბრუნება - კოლხიდას ფედერაციული რესპუბლიკა. კარგი იქნება, თუ დღეს სახელმწიფო ორგანოები ამ საკითხზე თვითონ დაიწყებენ მუშაობას. მაშინ სეპარატიზმზე აღარ ილაპარაკებენ. თორემ ისე ყოველთვის ვიღაცას ან რომელიმე გარე ძალას დააბრალებენ თავის გასამართლებლად“, - ამბობს რაჟდენ თოდუა.

    კონსტიტუციის პროექტის თანახმად, სამეგრელო საერო სახელმწიფოა საკუთარი პრეზიდენტით და პარლამენტით, სასამართლო სისტემით, დამოუკიდებელი საგამოძიებო ორგანოებით. პრეზიდენტს ფარული კენჭისყრით სამეგრელოს მოქალაქეები 5 წლის ვადით ირჩევენ. ზედიზედ ერთი და იგივე პირის არჩევა მხოლოდ ორჯერაა შესაძლებელი. ამ თანამდებობაზე კენჭისყრის პრეტენზია შეიძლება ჰქონდეს 35 წელს მიღწეულ პირს, რომელიც ცხოვრობდა ან ცხოვრობს სამეგრელოს ტერიტორიაზე არანაკლებ ათი წელი და ფლობს მეგრულ ენას.

    ცენტრალურ საარჩევნო კომისიასთან ერთად სამეგრელოს რესპუბლიკას, პროექტის მიხედვით, უნდა ჰყავდეს 35 დეპუტატით დაკომპლექტებული პარლამენტი და პრეზიდენტის მიერ დანიშნული პრემიერი. ერთი სიტყვით, სამეგრელო საპრეზიდენტო რესპუბლიკაა, რომელიც დამოუკიდებლად წყვეტს საკუთარ საზღვრებში ადმინისტრაციულ-ტერიტორიული მოწყობის საკითხებს და განსაზღვრავს სახელმწიფო ხელისუფლების სისტემას, საქართველოს რესპუბლიკის პოლიტიკასთან შეთანხმებით.

    „რესპუბლიკის მოქალაქეებისთვის სამხედრო სამსახური სავალდებულო არ არის. ქორწინება ეფუძნება ქალისა და მამაკაცის თავისუფალ ნებას. სამეგრელოში გარანტირებულია საყოველთაო და უფასო ძირითადი სკოლამდელი, საერთო, საშუალო პროფესიული განათლება სახელმწიფო სასწავლო დაწესებულებებში, რომლებშიც სწავლება სამეგრელოს სახელმწიფო ენებზე მიმდინარეობს“, - ეს არის ამონარიდები კონსტიტუციის პროექტიდან, რომელსაც ავტორის თქმით, ჯერ დასრულებული სახე არ აქვს.

    რაჟდენ თოდუა ამბობს, რომ მუშაობა გაგრძელდება მანამ, ვიდრე დოკუმენტს სამეგრელოს მოსახლეობას არ გააცნობენ, რათა მათი მოსაზრებები მოისმინონ და შენიშვნებთან ერთად ცვლილებები უკვე მზა კანონპროექტში აისახოს.

    პროექტი რუსულ ენაზე დაიწერა. მიზეზი, რუსულად რომ მოუწია წერამ, შემდეგი გარემოებაა - მეგრული ენა კვდება, აღარ ფუნქციონირებს, არ არის მოქმედი. სწორედ ამიტომ, საჭიროდ მიმაჩნია ამ ენას ჰქონდეს სტატუსი და ხდებოდეს მისი აქტიური გამოყენება ყოველდღიურ ცხოვრებაში.

    რაჟდენ თოდუას თქმით, კონსტიტუციის პროექტის შედგენის ერთ-ერთი საფუძველიც მეგრულის, როგორც საკუთარი იდენტობის განმსაზღვრელი აუცილებელი საშუალების შენარჩუნება გახდა. უკვე არად აგდებს ხმებს მისი მისამართით სეპარატიზმობასა და სეპარატიზმის წახალისების ბრალდებებზე. ამბობს, რომ თუ ქართული სახელმწიფო თავად აიღებს პასუხისმგებლობას მეგრელი ხალხის თვითმყოფადობის გადარჩენაზე, მსგავსი კითხვის ნიშნები აღარ იარსებებს.

    „ვიცი, რომ არის ასეთი აზრი, პრორუსი ხარო, რადგან აქ ვცხოვრობ, მაგრამ ასეთ არაარგუმენტირებულ საუბრებს ყურადღებას არ ვაქცევ. ასე იფიქრებს დაბალი ინტელექტის ადამიანი, ვისაც არ უნდა მეგრელს გაუგოს, ან ფიზიკურად არ შეუძლია ამის გაგება. სად ვცხოვრობ, ამას სიმართლესთან და ჩემს მეგრელობასთან კავშირი არ აქვს. სადაც არ უნდა ვიცხოვრო, ჩემი აზრი არ შეიცვლება“, - გვითხრა რაჟდენ თოდუამ და შენიშნა, რომ დღევანდელი საქართველოს რესპუბლიკა დემოკრატიულ პრინციპებზე დგას და განსხვავებული აზრის გამომხატველ ადამიანებს დევნას არ დაუწყებს.

    www.livepress.ge
    "თურმე ვაჟა რომ ავიდოდა ცხემნობუსში, კნეინები ამოიღებდნენ “პლატოკებსა” – ფუი, რა ცუდი სუნი დადგაო!"

    ვაჟა-ფშაველა ლექსს რომ დაწერდა, ცოტა ხანს ჩაფიქრდებოდა, მერე შინაურებს დაუძახებდა, სიმაღლის მიხედვით დააყენებდა, წაუკითხავდა და ჰკითხავდა:
    – გამადგებისა?
    – ჰო, ლუკავ, გამადგებისა, მაშ! – უპასუხებდნენ აღფრთოვანებულები.
    ამის შემდეგ ადგებოდა, ჩაალაგებდა თავის ხურჯინში და დაეშვებოდა თავქვე, ტიფლისისაკენ. მივიდოდა ილიასთან, “ივერიის” რედაქციაში, ამოატრიალებდა ამ ხურჯინს, წამოყრიდა მაგიდაზე ქაღალდებს, ჩამოჯდებოდა იქვე დარცხვენილი და ცოტა ხნის შემდეგ ახლა ილია ჭავჭავაძეს ჰკითხავდა:
    – ილიავ, გამადგებისა?
    – ჰო, ვაჟავ, გამადგებისა, – ეტყოდა ისიც ხუმრობით და ფეხზე ადგომით გამოისტუმრებდა.

    აი, როგორ იხსენებს მამას გულქან რაზიკაშვილი:
    “მამაი გართული იყო ბუნებაშია, არა გაეგებოდა შვილებისა. მე თავზე ხელს დამადგამდა, იმისი კოცნა არ მახსომს. არ მოსწონდა ხალხის ჩოჩქოლ-ხმაური, არ ითანხმებდა რატ-რატსა, მალევე მოშორდებოდა აჩოჩქოლებულ ხალხსა. მამას ბალღ-ბულღთა არა მიზდიოდა რა, სუ თავის საფიქრალში იყო გართული. ვაი, რა წუთისოფელი გაიარა მამამა, ვერა გაიგო თავისი შრომისა და დაღალვისა, თავისი დაქანცვისა და სახელისა, ჩვენი თავიც სიბეჩავეს დაუგდო, ჩვენიცა… არც სხვის ტოლად გვცმია და არც სხვის ტოლად გვხურვია”…

    ავიდოდა ილიასგან წამოსული ვაჟა “ცხემნობუსში”, რომელიც სულ კნეინებითა და ფრანციცულად მოლაპარაკე ახალგაზრდა კაცებით იყო სავსე… ესენი, ეს კნეინები აიფარებდნენ ცხვირზე სასიყვარულო რამე-რუმეებით ამოქარგულ “პლატოკებსა” და დაიწყებდნენ ვიშ-ვიშსა: ფუი, ფუი, რა ცუდი სუნი დადგაო? იგრძნობდა ვაჟა, რომ მას უდიოდა ცხვარ-ძროხის სუნი… ვინ იცის, იქნებ ეს იყო უბრალოდ მთიდან ჩამოტანილი ბუნების, ანუ ბალახ-ბულახის სუნი, მაგრამ გააჩერებინებდა “ცხემნობუსსა” და ჩამოხტებოდა, თან წითლდებოდა, რცხვენოდა, საკუთარ თავზე ბრაზობდა, პატივცემული ხალხი რათ შავაწუხეო? იყო ერთი შემთხვევა, როცა ერთხელ ჩამოაგდეს კიდევაც კნეინებმა. ეს დაახლოებით ვაჟა-ფშაველას გამზირის მიდამოებში ხდებოდა (ეხლა როა).
    ჰოდა, მას შემდეგ ბევრმა წყალმა და მეწყერმა ჩაიარა (კაცმა რომ თქვას, არც ისე ბევრმა, სულ რაღაც ერთმა საუკუნემ),მაგრამ განა რამე შეცვლილა? არაფერი!

    p.s. არც იმას კითხულობს ვინმე ამ ქვეყანაში, რა გამადგებისა და რა არ გამადგებისა!


    www.expressinfo.ge

    "ხომ არის ღირსი ამ იუდას ის ტარტალა ენა ამოგლიჯო?!!!"

    მიტროპოლიტ პეტრეს განცხადებით, "მამა გიორგი მამალაძესთან პატრიარქის შეხვედრა შორენა თეთრუაშვილის გადაწყვეტილებით არ შედგა"... "პატრიარქის ჩამობრძანების მიუხედავად, საპატრიარქოში სიტუაციას კვლავ ყველაზე დიდი დამნაშავე ქალბატონი მართავს"...

     

    P.S. ...და ვითომ პატრიარქს არ ებრძვის...
    P.S.S. ხომ არის ღირსი ამ იუდას ის ტარტალა ენა ამოგლიჯო?!!!


    www.mediamall.ge

    მეხანძრემ ექსტრემალურ სიტუაციაში ამშობიარა ქალი, ქალმა შვილზე უარი განაცხადა - ამაღელვებელი ისტორია...

    ეს საოცარი ისტორია ექვსი წლის წინ მოხდა, თუმცა ამის შესახებ მხოლოდ ახლა გახდა ცნობილი. 2011 წლის 14 ნოემბერს სამხრეთ კაროლინის შტატში 911-ზე განხორციელდა ზარი, ქალი ძლიერი მუცლის ტკივილს უჩიოდა და სასწრაფო გამოიძახა. იქაური წესის თანახმად, თუ სახანძრო სამაშველო დანაყოფი უფრო ახლოს იმყოფება, ვიდრე პარამედიკოსთა ჯგუფი, პირველადი დახმარების გასაწევად ისინი მიდიან, სანამ სასწრაფო დახმარების მანქანა მივა. მეხანძრეებს სპეციალური სამედიცინო კურსებიც აქვთ გავლილი ასეთი შემთხვევებისთვის. სწორედ ასე აღმოჩნდა მეხანძრეთა ჯგუფი დანიშნულების ადგილზე ქალთან, რომელმაც სასწრაფო დახმარება გამოიძახა. ადგილზე მისულ სამაშველო ჯგუფს ცხრა თვის ორსული დახვდა სახლში, რომელსაც მშობიარობა უკვე დაწყებული ჰქონდა. პაციენტის სამშობიაროში გადაყვანა ვეღარ ეწრებოდა, ამიტომ ერთ-ერთმა მეხანძრემ, რომელსაც ორი შვილი ჰყავდა, ადგილზე ამშობიარა ქალი.

    მშობიარობისას მამაკაცმა ჩვილი უვნებლად, ყველა წესის დაცვით გამოიყვანა დედის ორგანიზმიდან და როდესაც მან ხელში დაიჭირა ახალშობილი, წარმოდგენა არ ჰქონდა, რომ გოგონა მისი მომავალი შვილობილი იყო. სამშობიაროში გადაყვანიდან ორი საათის შემდეგ ქალმა ბავშვზე უარი ოფიციალურად განაცხადა, რადგან არ ჰქონდა საშუალება აღეზარდა გოგონა. მარკ ჰადენმა - მეხანძრემ, რომელმაც ქალი ამშობიარა, ბავშვის მეურვეობა მოინდომა და საკუთარ სახლში წაიყვანა, ერთ წელიწადში კი ოფიციალურად იშვილა იგი.

    რებეკა ახლა 5 წლისაა, ის საბავშვო ბაღში დადის, სადაც მისი დედობილი ბეტ ჰადენი აღმზრდელად მუშაობს. გოგონას ძალიან თბილი ურთიერთობა აქვს ძმებთანაც, რომლებიც 12 და 14 წლისანი არიან. რებეკას არ უმალავენ იმ ფაქტს, რომ მათი ბიოლოგიური შვილი არ არის, თუმცა საკუთარ შვილებზე არა ნაკლებ უყვართ. გოგონამ ყველა ფაქტი იცის, რაც მის დაბადებას უკავშირდება. ძალიან უყვარს თავისი ოჯახი, სადაც გაიზარდა, განსაკუთრებით კი მამიკო, რომელიც მისი გაჩენის პირველივე წუთებიდან გვერდით ჰყავს.



    www.droni.ge

    ,,მე რომ ასი მანეთი მაინც მქონოდა…"
    “მე რომ ასი მანეთი მაინც მქონოდა, კარგ ტანსაცმელში გამოვეწყობოდი, ოთახს დავიქირავებდი, მაშინ კი ვხატავდი და ვხატავდი,” –ფიროსმანი ნიკალას ეს ოცნება ბოლომდე აუსრულებელი დარჩა. მხატვარმა, რომლის ნამუშევრები დღეს მილიონებად იყიდება და ჩვენი ქვეყნისთვის დაუფასებელ საგანძურს წარმოადგენს, ცხოვრება ბნელ და ნესტიან სარდაფში დაასრულა.  ფიროსმანის სიცოცხლე მისი სიკვდილით დაიწყო. მაშინ, როცა მხატვრის სურათები სარდაფებიდან საგამოფენო დარბაზებში გადაჰქონდათ და მათ ხილვას მაყურებელი აღტაცებაში მოჰყავდა, ნიკალას დასუსტებული სხეული ავადმყოფობასთან ბრძოლას ბნელ და ცივ ხუხულაში განაგრძობდა.
    მას არ გაუვლია სამხატვრო სკოლა. სწავლობდა თბილისის შემოგარენში მდებარე ეკლესია-მონასტრების ფრესკებიდან. ხატავდა ყველაფერზე: კედლებზე, ქაღალდზე, მუშამბაზე… შავ საღებავს ზოგჯერ ჭვარტლისგან ამზადებდა… ხატავდა და ცოცხლობდა იმ იმედით, რომ ოდესმე ნორმალურ პირობებში შეძლებდა მუშაობას.

    მირზაანელი მწყემსი

    1862 წლის 5 მაისს კახეთის სოფელ მირზაანში, ასლან ფიროსმანიშვილის ოჯახში ვაჟი გაჩნდა – ნიკო. ასლანი ცნობილი მებაღე იყო და სამშვილიან ოჯახს ლუკმაპური არ უჭირდა, მაგრამ ბედნიერი ცხოვრება დიდხანს არ გაგრძელებულა.-ნიკო ფიროსმანი ფიროსმანი 8 წლის იყო, როცა დედ-მამა ერთდროულად გაუხდა ავად და თითქმის ერთდროულად გარდაეცვალა. სამი ბავშვი (მარიამი, ნიკო და ფეფუცა) უპატრონოდ დარჩა. უკეთესი ცხოვრების საძებნელად თბილისს მიაშურეს, სადაც შინამოსამსახურეებად დადგნენ. რამდენიმე წელიწადში ავადმყოფობამ უფროსი და – მარიამი შეიწირა. გულაცრუებულმა ნიკომ და ფეფუცამ მირზაანში დაბრუნება გადაწყვიტეს. უმცროსმა დამ მეურნეობა მოაწესრიგა,14 წლის ნიკო კი მწყემსად დადგა. უცქერდა ნიკალა მშობლიურ მინდორ-ველებს და მასში თანდათან მძაფრდებოდა დაუძლეველი სურვილი მშობლიური გარემოსა და ხალხის ასახვისა. რამდენიმე წელი იყო ფიროსმანი მწყემსად.

    ერთ დღესაც გვარის უხუცესმა გადაწყვიტა ნიკო ქალაქში სასწავლებლად გაეშვათ. შენს დას ჩვენ ვუპატრონებთო, – დააიმედეს ნიკო და ქალაქში გაისტუმრეს. სწავლის ნაცვლად ისევ მოჯამაგირედ მუშაობა მოუწია ნიკოს. რამდენიმე წლის შემდეგ კი იძულებული გახდა რკინიგზაზე დაეწყო მუშაობა.


    უკიდურესად უხეში

    1888 წლის გაზაფხულის მზიანი დღე იდგა. ნიკო რკინიგზის სამორიგეოში იყო. ხატვამ იმდენად გაიტაცა, რომ მორიგეობა სულ გადაავიწყა. ამ დროს დერეფანში უფროსმა გამოიარა და სამორიგეოს ღია კარში ისე შევიდა, ნიკოს არც გაუგია. უფროსმა ცოტა ხანს უყურა ხატვით გართულ მორიგეს, მერე ნახატი ხელიდან გამოსტაცა და გარეთ ისროლა. გამწარებული ნიკო უფროსს მივარდა და იატაკზე დასცა. “თავი დაანებე, სამსახურიდან დაგითხოვენ,” – ცდილობდა მხატვრის დამშვიდებას მისი მეგობარი. “რისი უფროსი, რა უფროსი,” – ყვიროდა ფიროსმანი, – “მოვკლავ მაგ მამაძაღლს, თამარის პორტრეტი დამიხია, მაგ ძაღლიშვილმა!”

    მართლაც გაათავისუფლეს “უკიდურესი უხეშობისთვის”.

    მეგობრების დიდი თხოვნის შემდეგ უკან დააბრუნეს, მაგრამ ნაგებობათა და ლიანდაგის რემონტის სამსახურში გადაიყვანეს, მოგვიანებით კი – სატვირთო მატარებლის ღია პლატფორმის კონდუქტორად. სუსტი ჯანმრთელობის გამო მუდმივად ავადმყოფობდა და იძულებული გახდა სამსახურიდან წასვლის განცხადება დაეწერა: “გთხოვთ ხელმეორედ დამითხოვოთ სამსახურიდან, რადგან ავად გავხდი ქრონიკული სურდოთი, რომელიც სუნთქვას მიშლის. ავად ვარ გულით, თავის ტკივილები მაქვს და რევმატიზმი.” განცხადების მეორე გვერდზე უფროსის რეზოლუცია: “ფიროსმანიშვილის დათხოვნა მეტად სასურველია, რადგან მისი ავადმყოფობა მეტად ცუდი მაგალითის მიმცემია სხვა მოსამსახურეებისათვის.”


    მეგობრებმა არ მიატოვეს ნიკალა და ფული შეუგროვეს, რომლითაც მხატვარმა დუქანი დაიქირავა და რძის ნაწარმით ვაჭრობა დაიწყო. ფიროსმანმა დუქნის თეთრი კედლები საკუთარი ხელით მოხატა. ფრიზის სახით წითელი, შავი და თეთრი ძროხები დახატა. ნამუშევრებს დიდი წარმატება ჰქონდა. ვაჭრობაც კარგად აეწყო, მაგრამ ნიკოს ის მაინც მძიმე ტვირთად აწვა. მასში დღითიდღე იზრდებოდა გარშემომყოფებისა და მშობლიური ბუნების ფუნჯით გამოსახვის სურვილი. ხატვა მისთვის მოთხოვნილებად იქცა.

    ერთ დღესაც გადაწყვიტა მირზაანში ძველი სახლის ადგილზე ახალი აეშენებინა. მართლაც, ასეც მოიქცა და სახლის კედლები იქაც თავად მოხატა. სურათებზე სოფლის სცენები და პეიზაჟები იყო ასახული. ყველას ეგონა, რომ ნიკო ქალაქს მიატოვებდა, ჩამოიყვანდა ახალგაზრდა ცოლს და სოფელს დაუბრუნდებოდა, მაგრამ ახალ სახლში გამართული მხიარული ქეიფის შემდეგ ფიროსმანი მირზაანში აღარ დაბრუნებულა.

    მარგარიტა

    ნიკალას ცხოვრებაში ერთადერთმა სიყვარულმა მოჩვენებასავით გაიელვა. კაფე შანტანის მომღერალ-მოცეკვავე ფრანგმა ქალმა, მადმუაზელ მარგარიტამ დაატყვევა ფიროსმანი. ნიკო ისეთი ბედნიერი იყო ამ სიყვარულით, რომ მარგარიტასთვის არაფერს იშურებდა. საჩუქრები, ძვირფასეულობა, ყვავილები – ყველაფერი მას. მარგარიტამ შეიტყო, რომ ნიკო უბრალო მედუქნე იყო და ყველაფერი მას შესწირა, ამიტომ მისი ცხოვრებიდან წასვლა გადაწყვიტა. ფიროსმანი გააფრთხილა, რომ მეორე დღეს მასთან არ მისულიყო, რადგან ეკლესიაში წასვლასა და მათი ბედნიერებისთვის ლოცვას აპირებდა. ნიკომ დაუჯერა, მაგრამ ორი დღის შემდეგ ისევ გაეშურა თავისი ერთადერთი სიყვარულის სანახავად. სასტუმროში უთხრეს, რომ მარგარიტა პარიზს გაემგზავრა.

    განცდილმა ტკივილმა სამუდამო დაღი დაამჩნია მხატვრის გულს. ასე დასრულდა მისი შეძლებული ცხოვრებაც, სიტყვაძუნწი და ჩუმი გახდა. ასეთი ტკივილით შექმნა ნიკომ მარგარიტას პორტრეტი. თეთრ ფერს ის სიყვარულის, სიკეთისა და სულიერი სიწმიდის სიმბოლოდ თვლიდა, ამიტომ დახატა მარგარიტა თეთრი ფერით.

    აქედან დაიწყო მხატვრის ხელმოკლე ცხოვრება. მისი შემოსავლის ერთადერთ წყაროდ დუქნების აბრებისა და კედლების ხატვა იქცა. მედუქნეები კაპიკების სანაცვლოდ ახატინებდნენ ნიკალას დუქნებს. მუშაობა ბნელ და ცივ ოთახებში უხდებოდა. აღებული თანხა ზოგჯერ საღებავებისთვისაც არ ჰყოფნიდა. ცხოვრობდა იქ, სადაც სამუშაოს მისცემდნენ

    ნიკალას ტკივილი

    1915 წელს მხატვართა კავშირის თხოვნით ლადო გუდიაშვილმა კვლავ მოძებნა ფიროსმანი, რათა მისთვის მცირედი თანხა გადაეცა. ლადომ ის დიდუბეში პატარა სახლის კიბის ქვეშ იპოვა დაუძლურებული. ნიკომ თავისი ტკივილი გაუზიარა გუდიაშვილს: “ჩემი ცხოვრება ჯვარცმაა, რასაც ვეწამები. სასტიკად ვიტანჯები ყველა მედუქნის კინტოსა და სხვა ნაძირალის თვითნებობისგან…

    მე ვიცნობ ჩემი ქვეყნის ისტორიას, ვიცნობ რუსთაველს, ილიას, ვაჟას… მე მათ ჩემებურად ვხატავ. დაე, სხვებმა გაიცინონ ჩემს ნამუშევრებზე… მაგრამ მე ჩემი გზით მივდივარ.

    ცხოვრება კონტრასტია: მდიდარი – ღარიბი, კეთილი – ბოროტი…
    როცა ორთაჭალის ტურფებს ვხატავ, მე მათ შავი ცხოვრების ფონზე ვათავსებ, მაგრამ მათაც აქვთ ცხოვრების სიყვარული – ეს არის მათ ირგვლივ მოთავსებული ყვავილები და ჩიტები. მათ თეთრ ზეწრებში გახვეულებს ვხატავ, მებრალებიან, თეთრი ფერით ცოდვებს ვაპატიებ.
    უშვილო მილიონერი მდიდარია, ბედნიერი, სხვისი უბედურებისათვის ყრუა. ის ბატონია. ბავშვებიანი ღარიბები ფეხშიშვლები, მშივრები არიან. ისინი მებრალებიან.”

    გარდაცვალება

    ერთ დღეს ილია ზდანევიჩს უნდა ენახა ნიკო, რათა მის პორტრეტზე მუშაობა გაეგრძელებინა. შუადღისას შეუარა. მხატვარი ოთახის კუთხეში, სკამებზე გადებულ ფიცარზე წამოწოლილი ისვენებდა. “ჩემი ტალანტი დაიღალა ლოდინით, მე დილით გელოდი, შენ კი დაიგვიანეო,” – უსაყვედურა ფიროსმანმა.

    ის მართლაც დაღლილი იყო… ავადმყოფობით, შიმშილით, დაუფასებლობით…

    1918 წლის გაზაფხულზე ნიკალას ჯანმრთელობა გაუარესდა. ერთ საღამოს მალაკნის ქუჩა 29-ში სარდაფში ჩავიდა და იატაკზე დაწვა დასაძინებლად. სამი დღე გაატარა სიბნელესა და ნესტში. მესამე დღეს შემთხვევით იპოვა არჩილ მაისურაძემ და მაშინვე არამიანცის საავადმყოფოში გადაიყვანეს, სადაც დღენახევრის შემდეგ გარდაიცვალა.

    არავინ იცის, სად დაასაფლავეს ნიკალა.



    www.itv.ge

    "ამ ოჯახიდან გამოსული, როგორ ფიქრობთ, ასე დაეცემოდა? " - ნფორმაცია შორენა თეთრუაშვილზე
    ისტორიკოსი ქეთევან ჯერვალიძე საქართველოს კათოლიკოს-პატრიარქის, მდივან-რეფერენტის, შორენა თეთრუაშვილის შესახებ პოსტს აქვეყნებს:

     
    "კიდევ ერთხელ ქალბატონი შორენა თეთრუაშვილის შესახებ! შორენა იყო ჩემი კურსელი: ძალიან კარგი სტუდენტი, სიტყვის ერთგული, მხარში მდგომი გასაჭირშიდა თან ძალიან მოკრძალებული. დედამისს, დუშეთის რაიონ სოფელ ხორხიდან, სახეზე ეფინა კეთილშობილება, ჟიჟიაშვილი იყო გვარად. 

    შორენას დედისძმას, მათემატიკოს ჟიჟიაშვილს უწოდებდნენ უნივერსიტეტის სინდისს. ამ ოჯახიდან გამოსული, როგორ ფიქრობთ, ასე დაეცემოდა? 

    ქალბატონ შორენას არ ჰყავს დედმამიშვილი, შესაბამისად, დისშვილები, ან ძმისშვილები, ქონებას მათთვის რომ დახარბებოდა, აღარ ჰყავს მშობლები. 
    9 წელი 'ნაცმო' იყო ხელისუფლებაში და ყველა მოქალაქის საბანკო ანგარიშებს აკონტროლებდა, თუ გაქვთ ინფორმაცია და საბანკო ანგარიშები მისი, დადეთ, წავა დაეპატრონება და საქართველოს დაუტოვებს. ვთქვი და კიდევ ვიმეორებ, როგორც გამსახურდიას წინააღმდეგ ბრძოლა იყო საქართველოს გასანადგურებელი ოპერაცია რუსეთისა და დასავლეთის შეთანხმოებით, ასევე თანხმობით ხდება შეტევა მის უწმინდესობაზე.
    რუსეთს სულაც არ აწყობს პატრიარქის ინსტიტუტი და მისი უწმინდესობა როგორც ერთადერთი გარანტი და სიმბოლო საქართველოს ტერიტორიული მთლიანობისა, საქართველოს პირველი პრეზიდენტის ზვიად გამსახურდიას შემდეგ. ბატონებო, ეს გახლავთ სიმართლე. დანარჩენი ყველაფერი გაბუქებულია. 
    ცუდი თუ ვინმეა, 'ნაცმოს' შეგზავნილია, დისკრედიტაციისთვის. არადა ეკლესია-მონასტრები ყველასთვისაა: უცოდველთათვისაც, რათა არ შეცდნენ და ცოდვილთათვისაც, რათა მოინანიონ. ფაქტია რომ "რუსთავი 2-ის" კრიახი უნისონში სულაც არ იყო და მასლავროვის ყეფა აძლევდა ბანს", - წერს ისტორიკოსი.


    www.marshalpress.ge
    „რაც საპატრიარქოში ხდება, მოფიქრებულია ნიცშესთან მებრძოლი ივანიშვილის თავის ქალაში“
    შალვა ნათელაშვილი, ლეიბორისტული პარტიის ლიდერი:

    „საპატრიარქოში ნებისმიერი სახის და ფორმის გადატრიალება საკუთარი ეკლესიური საჭეთმპყრობლის მოსაყვანად, ეკლესიის რეიტინგის დაცემა და მის მიმართ უნდობლობის გაჩენა, ღვთისმსახურებში შიდა დაპირისპირების გამძაფრება და მათი პოლიტიზაცია აწყობს მხოლოდ და მხოლოდ ბიძინა ივანიშვილს. დღემდე მან იყიდა, დაიმონა და პრივატიზაცია გაუკეთა საზოგადოების ყველაზე ამპარტავან ფენებს, სახელმწიფო ხელისუფლების ყველა შტოს, ბიზნესსა და ეკონომიკას გლობალურად, პოლიტიკას და მასმედიას თითქმის მთლიანად. ახლა დარჩენილია ერთადერთი, პატრიარქად ასევე მისი მონა ფიგურის გაყვანა, რაც ამ ბოროტების ხანგრძლივი პოლიტიკური ბატონობის გარანტია იქნება. შესაბამისად, ის რაც ხდება დღეს საპატრიარქოში, მოფიქრებულია ნიცშესთან მებრძოლი ივანიშვილის თავის ქალაში და განხორციელებულია მისი ეგრეთწოდებული სახელმწიფო უშიშროების სამსახურის მიერ. ვპირდები მათ, შორს არაა დრო როდესაც ეს ბანდა ამ ცოდვაზეც უმკაცრესად აგებს პასუხს“.


    www.guriismoambe.com

    "თუ უნდათ რომ არ იწუწუნონ, ხმა 20 ლარზე არ უნდა გაყიდონ"

    “ქართული ოცნება” მაგონებს ერთ-ერთ ქართულ ფილმში სანდრო ჟორჟოლიანის გმირს, რომელიც გოჭს კლავს და მერე მეპატრონეს ეუბნება: - შენ რა გაჯავრებს, პატრონი არაფერს ჩივაო. სწორია ”ქართული ოცნება”! პატრონი ანუ ქართველი ხალხი ხმას არ იღებს - უზრდიან გადასახადებს - ხმას არ იღებს, გატრუნულია! ჩაუძვრებიან ჯიბეში - ხმას არ იღებს, გატრუნულია! ამიტომ, ქართველო ხალხო, სანამ თქვენი მოთმინება ამ ხელისუფლებას იტანს, იქნებით იმ დღეში, რა დღეშიც ხართ! ჩემი დამოკიდებულება ჩემს ძვირფას ქართველ ხალხთან არის მარტივი - თუ უნდათ რომ არ იწუწუნონ, ხმა 20 ლარზე არ უნდა გაყიდონ, თუ უნდათ რომ გაჭირვებას არ შეეგუონ, ამ ხელისუფლებასაც ისე უნდა მოსთხოვოს პასუხი, როგორც სხვა წინა ხელისუფლებას მოსთხოვეს”, -აცხადებს აკაკი ბობოხიძე.

    www.guriismoambe.com

    "ახლა ჩვენთვის მთავარი გასაჭირი ჩვენი მაიკო ასათიანის გასაჭირია"

    ტელეკომპანია „რუსთავი 2“-ის გენერალური დირექტორი ნიკა გვარამია თოქ-შოუ „პროფილის“ წამყვან მაია ასათიანის შვილის ჯანმრთელობის მდგომარეობას სოციალური ქსელის საშუალებით ეხმაურება.

    „ახლა ჩვენთვის, „რუსთავი 2“-ელებისთვის“, მთავარი გასაჭირი ჩვენი მაიკო ასათიანის გასაჭირია! ყველანი შენს გვერდით ვართ! გვიყვარხარ და ყველაფერს გავაკეთებთ შენი ნუცას გადასარჩენად!“, – მიმართვს ნიკა გვარამია მაია ასათიანას სოციალური ქსელის საშუალებით.

    მედიაში გავრცელებული ინფორმაციით, თოქ-შოუ „პროფილის“ წამყვან მაია ასათიანის შვილი ნუცა მახვილაძე ავად გახდა და მძიმე მდგომარეობაში, საფრანგეთის საავადმყოფოშია მოთავსებული. ნუცა მახვილაძე საფრანგეთში სასწავლებლად იმყოფება.

    მაია ასათიანის შვილის ზუსტი დიაგნოზი ამ დროისთვის უცნობია.

    www.mpress.ge
    "პატრიარქი "პლენშია" ..."

    ტელეწამყვანი და ჟურნალისტი ნანუკა ჟორჟოლიანი ფეისბუქის პირად გვერდზე სტატუსს აქვეყნებს:

     

    "მამა გიორგი მამალაძეს როგორც მოექცა საპატრიარქო, ნიშნავს რომ ქართველ მღვდლებს განსაცდელში მყოფი სულიერი შვილები არ უყვართ. თქვენი შემხედვარე, უმაღლესი იერარქიის სასულიერო პირებო, რელიგიის შეცვლა უნდება ადამიანს. როგორც ხართ შემოსილები, ისეთი სულიერი სამყარო გაქვთ და ვიქნები გამოუსწორებელი ოპტიმისტი და იმედს დავიტოვებ, რომ პატრიარქი "პლენშია"." , - წერს ჟორჟოლიანი. 


    www.geotimes.ge

    „ერთი სული ქონდა მოეშორებინა ხალხი, მინდა გავიხსენო ამ გაუნათლებელი და უვიცი ქალბატონის ცნობილი ფრაზა...“
    რამდენიმე დღის წინ ნანუკა ჟორჟოლიანმა სოციალურ ქსელში დაწერა, რომ გასაუბრების საშუალებით სტუდენტებსა და ნებისმიერ მსურვლეს ჰქონდა საშუალება მის შოუში სტაჟიორად ემუშავა.

    "წაიკითხე აიბლოგი" - ასე ჰქვია სოციალურ ქსელში შექმნილ პროფილს, რომლის ავტორიც ჟორჟოლიანთან გასაუბრებაზე იმყოფებოდა და სკანდალურ პოსტს აქვეყნებს. 

    ორი სიტყვით მინდა შევეხო "ნანუკას შოუ"-ში გამოცხადებულ ვითომ გასაუბრებას, რისი მიზანიც სინამდვილეში არხზე მიმდინარე და მის წინააღმდეგ დაწყებული უარყოფითი კამპანიის ფონზე, თავიდანვე რთული მისახვედრი არ იყო რაც იქნებოდა!!!



    ნანუკა ყოფილა ვანგა, ორ წარმოთქმულ სიტყვაში ხვდება ადამინის განათლებას, განვლილ გზას, (პროფესიული კუთხით) ასევე იმას თუ რისი გამკეთებელია ის მომავალში! როდესაც ასეთ გასაუბრებას ატარებთ და ხალხს აჯერებთ რომ ვითომ პრაქტიკანტებს ეძებთ მინუმუმ უნდა შეიყვანოთ ქასთინგზე მოსული ადამიანი ინდივიდუალურ გასაუბრებაზე და შემდეგ უნდა სცეთ პატივი და მოუსმინოთ სულ მცირე 2 წუთი მაინც, რომ რა მოამზადა მან ამ გასაუბრებისთვის.

    3-3 ადამიანი ერთად შეყავდათ გასაუბრების დრო (სამივესი ერთად) 2-3 წუთს გრძელდებოდა! ნანუკას სახეზე ეტყობოდა, როგორ ერთი სული ქონდა მოეშორებინა ხალხი, ადამიანის სვ-საც კი არ უყურებდა... მოსმენაზე ხომ საუბარიც ზედმეტია. ასეთი დამოკიდებულებით ძალიან მალე მიიღებთ შედეგს საკუთარი გადაცემის რეიტინგზე <3 მერე გვიან იქნება!

    პ.ს. მინდა გავიხსენო ამ გაუნათლებელი და უვიცი ქალბატონის ცნობილი ფრაზა საქვეყნოდ ცნობილი "არტილერია" მაშინ ძალიან კარგად გამოჩნდა თქვენი გაანთლების დონე, მახსოვს თავს იმართლებდით იმით რომ შეცდომები ყველას მოგვდის და მითუმეტეს აპლიკანტს, რომელიც რიგში დგას ნერვიულობს და გასაუბრებაზე შესულს პირველივე შეცდომით წარმოთქმულ სიტყვას არ პატიობთ."

    ETANEWS



    www.etanews.ge
    "დაიმახსოვრეთ სახელი ნუცა, გოგოსი რომელიც სიკვდილს ებრძვის"
    დღეს, გავრცელებული ინფორმაციით, მაია ასათიანის ქალიშვილი ნუცა მახვილაძე, რომელიც სასწავლებლად იყო პარიზში, ძალიან მძიმე მდგომარეობაშია. ამ თემაზე ინგა გრიგოლია და ნანუკა ჟორჟოლიანი სოციალურ ქსელში შოკისმომგვრელ სტატუსს წერენ. 

    ინგა გრიგოლია:
    "ყველა ბოროტი ადამიანი მძულს,ვინც სხვას ცუდს უსურვებს.სულ ნეგატივს უწერს,სულ წყევლის და დასცინის.ხშირად,ასეთი თავდასხმებით, ისეთი ბოროტი ენერგია გროვდება ადამიანის თავზე შავი ღრუბელივით,რომ მერე ეს ენერგია ან ამ ადამიანს და ან მის ყველაზე საყვარელ და ახლობელ ადამიანებს ანგრევს.მჯერა ამ ბოროტი ენერგეტიკის((((((( ვფიქრობ,ამ ჩემს სტატუსს მეტი დაკონკრეტება არ სჭირდება,ვინც იცის,რაზე ან ვისზეც ვწერ,უბრალოდ დამეთანხმება. შეეშვით ადამიანებზე თავდასხმებს რა და საკუთარ ცხოვრებას მიხედეთ!"

    ნანუკა ჟორჟოლიანი:


    "გადარჩება! შანსი არაა , არ გადარჩეს! ყველაზე დიდი უსამართლობა იქნება ასე რომ არ მოხდეს!!! მაგრამ ეს სხვა თემაა. ინგას უწერია და ზუსტად! ადამიანები ერთმანეთს არ ვზოგავთ. სიბოროტე, ღვარძლი, ლანძღვა, კრიტიკა მოდაშია. კარგ ტონად ითვლება სხვისი ცხოვრების ქექვა, შემდეგ გარჩევა, დაცინვა!! არადა გინდა კოსმოსი დაარქვით და გინდა ღმერთი, გვაძლევს მაგალითებს, გაფრთხილებებს, რომ უნდა გავჩერდეთ! ეს სიბოროტე შევაჩეროთ, თორემ ამდენი უარყოფითი ენერგია ყველას წაგვლეკავს! რა მნიშნვნელობა აქვს რა გვარია, ან დედას რა ქვია, დაიმახსოვრეთ სახელი ნუცა, გოგოსი რომელიც სიკვდილს ებრძვის და ვილოცოთ მისთვის. ან, იმას რა მნიშვნელობა აქვს, თქვენ ღმერთს რა ქვია. მთავარია მას ნუცას გადარჩენა ვთხოვოთ!!!!"


    www.etanews.ge
    ილოცეთ ჩემი შვილისთვის! – მაია ასათიანის ქალიშვილი მძიმე მდგომარეობაშია

    euronews.ge-ს სანდო წყარომ შეატყობინა ცუდი ამბავი. რუსთავი 2-ის ტელეწამყვანი – მაია ასათიანის ქალიშვილი, ნუცა მახვილაძე ავად გახდა და მძიმე მდგომარეობაში, საფრანგეთის სავადმყოფოში იმყოფება. იგი იქ სასწავლებლად იყო წასული.

    ნუცას ზუსტი დიაგნოზი ჩვენთვის უცნობია. ასევე წყაროს ინფორმაციით, მაია, წუხელ, სასწრაფოდ გაფრინდა საფრანგეთში, შვილთან. ფეისბუქის სტატუსად კი დაწერა: ილოცეთ ჩემი შვილისთვის!"


    www.etanews.ge

    „მეწყინა ჩემი ხალხისგან, არ ვიმსახურებდი“

    გთავაზობთ ნაწვეტს ინტერვიუდან დათო კენჭიაშვილთან, რომელიც „პრაიმტაიმში“ დაიბეჭდა.

    – დათო, შენს ერთ-ერთ სტატუსზე მინდა გკითხო, ლელა თათარაიძეს ეხებოდა. წერდი, რომ ერთ-ერთ ინტერვიუში შენი ნათქვამი ხალხმა ისე გაიგო, თითქოს ლელა თათარაიძე შენგან გაიცნო საზოგადოებამ…

    – ჰო, ასე გაიგეს, რატომღაც. არადა მე ეს არ მითქვამს. მე სად ვიყავი, ლელა რომ თავისი სიმღერით მთებს დგამდა. მე მისი სიმღერის ერთ-ერთი შემსრულებელი ვარ. ინტერვიუში აღვნიშნე, რომ გამიხარდება, თუ ჩემი სიმღერით კიდევ ერთხელ, თუნდაც ახალი თაობა გაიგებს, ვინ არის გენიალური მომღერალი ლელა თათარაიძე-მეთქი. ვიღაცებმა ამის გამო ამბიციურად ჩამთვალეს, ცუდად მომიხსენიეს. მართალი გითხრათ, ასეთ კომენტარებს ნაჩვევი არ ვარ და ცოტა არ იყოს, მეწყინა ჩემი ხალხისგან ასეთი შეფასება. არ მეკუთვნოდა.

    ნინო მჭედლიშვილი
    www.primetime.ge

    "ჩემი ინფორმაციით, საქართველოში იმყოფებიან ჰუსეინის დაცვის წევრები"

    "მიგრაციის უწყება უნდა დაინტერესდეს ადამიანების წარსულით",- ამის შესახებ „კვირას" პრესკლუბში გამართულ პრესკონფერენციაზე პოლიტიკური მოძრაობა „თავისუფლების" ლიდერმა, კონსტანტინე გამსახურდიამ განაცხადა.

     


    გამსახურდიას აზრითბევრი ადამიანი შეეცდებასაქართველოს დატოვებასთუმცა გამსახურდია იმვალდებულებებზე საუბრობსრაც საქართველოს იმადამიანების საქართველოში რეპატრიაციისთვის ეკისრებარომლებსაც უცხოეთში მუშაობისა და ყოფნის უფლება არექნებათ .

     


    ბოლო 5 წლის მანძილზეაფხაზეთის თვითაღიარებულ რესპუბლიკაში იმყოფება 1400-მდე ქართველიდღესუმუშევრობა იზრდება და მოსახლეობა ეცდებაქვეყანა დატოვოსთუმცა მათი უკანონოდ ყოფნის გამო სხვაქვეყანაშისაქართველოს ეკისრება ვალდებულებარაც თანხებთან არის დაკავშირებულიქვეყანას ეკისრებაამ შეთხვევაში, 100 მილიონი ევროაქ არის ლაპარაკი იმაზეროგორ უნდა მოხდეს ამ ადამიანებისსამშობლოში დაბრუნება და ევროპის მხარე მათი დაბრუნების ვალდებულებას ქართულ მხარეს აკისრებს
    ",
    განაცხადა კონსტანტინე გამსახურდიამ "კვირასპრესკლუბში გამართულ პრესკონფერენციაზე.


    www.geotimes.ge

    "რა ვთხოვეთ - ერთი გოთვერანი კაცი არ შემოუშვა თეატრში-თქო!"
    ზაზა პაპუაშვილი დღეს ,,ქართული თეატრის ტერიტორიაზე აღარაა', თუმცა „ვერსიასთან“ ინტერვიუში აღნიშნავს, რომ პოლიტიკური სცენიდან ნამდვილ სცენაზე დაბრუნებას არ გამორიცხავ. გთავაზობთ ინტერვიუდან მოკლე ამონარიდს:
    - 'სხვა თემაა' რუსთაველის თეატრიც, სადაც, სამწუხაროდ აღარ ხართ... თეატრმა თქვენით გადაწყვიტა ეკონომიის გაკეთება?

    _ პირველი კურსიდანვე რაღაც ინციდენტი შემემთხვა და მას მერე კარგად მივხვდი, ეს რა ხელობაცაა _ დაუნდობელი, უმადური, არაფერი შეგრჩება, არაფერი დაგრჩება, ვერაფერს წამოიღებ. ვიღაცის გულში, ტვინში, დროებით დარჩები თუმცა შეიძლება მალევე დაგივიწყონ. დიდი იმედით არ უნდა იყო.
    ამ საქმის კეთება ტიტანურ შრომას მოითხოვს, ნერვებსა და მყარ ფსიქიკას, უნდა ეცადო, არ გაგანადგუროს, არ ჩაგითრიოს. დითირამბებს არ უნდა ელოდო, ეს შენი გზაა, ცოცხალი გზა და უნდა გაიარო შრომით, პატიოსნად. მაქსიმალისტი ვარ, ერთგული, მშრომელი, მაგრამ არც მარაზმატიკი ვარ, არც მონა და არც ჩაციკლული. რუსთაველის თეატრიდან ჩემს გაშვებაში გარკვეული ირონია იკითხება...ხუთი თანამშრომლის რანგში რომ გავედი, მომეწონა... სხვა გზა არ ჰქონდათ, თეატრი ფინანსურ კოლაფსში ხომ არ ჩავარდებოდა და გადავწყვიტე, ზურაბივით ჩავშენებოდი კედელში, რათა გადარჩენილიყო.

    _ საინტერესოა, როდის გაიყო თქვენი და სტურუას გზები... მაშინ ხომ არა, როცა დირექტორს ღიად დაუპირისპირდით და განაცხადეთ _ ეს ადამიანი თავზე წამოგვასვესო? პირადი შურისძიება იყო?

    _ ... ბოლოს და ბოლოს, რა ვთხოვეთ - ერთი გოთვერანი კაცი არ შემოუშვა თეატრში, ეს კინო ნანახი გვაქვს-თქო... ამაზე იყო საუბარი და მას მერე გართულდა... თეატრში ყოფნას მაშინ აქვს ფასი, როცა არის პატივისცემა, სიყვარული, ნიჭიერება, შრომა, ერთმანეთის გატანა... თუ ასეთი პოეზიის სუნი ქრება, ის უკვე ჩემთვის თეატრი ნაკლებადაა

    _ გამოდის, მაყურებელი თეატრის სცენაზე აღარ გიხილავთ?

    _ ჯერჯერობით, ამაზე პასუხი არ მაქვს... ბევრი რამაა შესაცვლელი ქვეყანაში და ასეთი ხერხებით ვეღარც თეატრი გაიმართება. მთავარია, არ შეგვეშალოს დროსთან -დრო გავიდა, სასწრაფოდ ცვლილებებია. შეიძლება ასეც უნდა მომხდარიყო, ხვალინდელ დღეზე კი, ასე, ხელაღებით, ნურაფერს ვიტყვით. დრო სწრაფად გადის, მთავარია, არ ჩამოვრჩეთ და მზად ვიყოთ ნებისმიერი გამოწვევისთვის.

     

    წყარო: „ვერსია“
    "უწმინდესო, ამოიღეთ ხმა, გთხოვთ!"

    პარტია „იმედის“ ლიდერი ირინა სარიშვილი  სოციალური ქსელის საშუალებით პატრიარქს მიმართავს:

    „მე არ მინდა უსამართლობაზე დადუმებით გადარჩენილი ერთობა ეკლესიაში! ასეთი ერთობა ბოროტების მსახურია და არა უფლის! რა ზრი აქვს გზას, რომელიც ტაძრამდე არ მიგვიყვანს?! მე მინდა ამ ნაძირლებზე ძლიერი ეკლესია!მე მინდა ამ სიბინძურეზე ძლიერი პატრიარქი! უწმინდესო! ამოიღეთ ხმა! გთხოვთ!!!“,-წერს სარიშვილი.

    www.news.ge
    "გადარჩება! შანსი არაა არ გადარჩეს!"

    ტელეწამყვანი ნანუკა ჟორჟოლიანი ფეისბუქის საკუთარ გვერდზე შემდეგი შინაარსის სტატუსს აქვეყნებს:

     

    "გადარჩება! შანსი არაა , არ გადარჩეს! ყველაზე დიდი უსამართლობა იქნება ასე რომ არ მოხდეს!!! მაგრამ ეს სხვა თემაა. ინგას უწერია და ზუსტად! ადამიანები ერთმანეთს არ ვზოგავთ. სიბოროტე, ღვარძლი, ლანძღვა, კრიტიკა მოდაშია. კარგ ტონად ითვლება სხვისი ცხოვრების ქექვა, შემდეგ გარჩევა, დაცინვა!! არადა გინდა კოსმოსი დაარქვით და გინდა ღმერთი, გვაძლევს მაგალითებს, გაფრთხილებებს, რომ უნდა გავჩერდეთ! ეს სიბოროტე შევაჩეროთ, თორემ ამდენი უარყოფითი ენერგია ყველას წაგვლეკავს! რა მნიშნვნელობა აქვს რა გვარია, ან დედას რა ქვია, დაიმახსოვრეთ სახელი ნუცა, გოგოსი რომელიც სიკვდილს ებრძვის და ვილოცოთ მისთვის. ან, იმას რა მნიშვნელობა აქვს, თქვენ ღმერთს რა ქვია. მთავარია მას ნუცას გადარჩენა ვთხოვოთ!!!!"- წერს ჟორჟოლიანი.

    www.geotimes.ge

    "ის, ვინც სხვას დაუნდობლად ექცევა, პირველ რიგში მისთვის იქნება უზენაესი კანონი დაუნდობელი"

    დეკანოზი პეტრე კოლხი ფეისბუქის საკუთარ გვერდზე შემდეგი შინაარსის სტატუს აქვეყნებს:

     

    "გთხოვთ, ძალიან გთხოვთ, შენდობის დღეს ნუ მეტყვით შენდობას. ვთვლი, რომ ჩემთვის არაფერი დაგიშავებიათ, და საერთოდ, საკუთარი თავის გარდა არავის ვაზარალებთ. ის, ვინც სხვას დაუნდობლად ექცევა, პირველ რიგში მისთვის იქნება უზენაესი კანონი დაუნდობელი... რათ მინდა შენდობის თქმა, მხოლოდ იმიტომ, რომ შენდობის დღეა?! არ დაიჯეროთ, მთელი წლის, წელიწადში მოქცეული წუთის და წამის მანძილზე უამრავს ვცოდავთ და დიდი მარხვის ყველიერის კვირას სინანულად ვიღვრებით... არა, ეს ფარისევლობაა... შენდობის და სიყვარულის გამოსავლენად მარტო ერთი დღე არ დაუდგენია იესოს, ჩარჩოში არ გამოუკეტავს და ამ ჩარჩოების სამსხვრევად ჩაქუჩივით სიტყვები არ გამოუგონია სინანულის გარეშე, რადგან სიტყვაზე მეტად ადამიანის მდგომარეობა ქმედებაში ვლინდება... 


    ამ ერთ დღეში ჩატეულ მთელ ქრისტიანობას ხომ მხოლოდ ისინი აღიარებენ, ვინც სხვისგან ელოდება, როდის დაემხობიან მის ფეხქვეშ და სთხოვენ შენდობას... 


    სინანული ყოველთვის დროულია და ყველაზე მეტად მაშინ, როცა ჩვენი ქცევით უამრავ სულს ვამახინჯებთ და ვკლავთ... 


    შენდობა მაშინ მიიღება, როცა მაცხოვრის მარჯვენით გაკრული ავაზაკის სინანული გვექნება..."
    - წერს მამა პეტრე.

    www.geotimes.ge

    „მაპატიე რომ ამ ყველაფერს მამა არ გეუბნება!“
    მსახიობი და ბიზნესმენი ლევან ჯიბღაშვილი დაქროწინდა. ნახეთ რას წერს  დედამისი სოციალურ ქსელში „დეეეეეეეეეეეეეეეეე!!!!!!!!!!!!!!!!!!!!!!!!!!!!!!!!
    დღეს ადგილს ვრ ვპოულობ! სხვა რამის სათქმელად დაგირეკე და ათასი სისულელე ვიბჟუტურე! ხან ვტირი, ხან მიხარია! უჩვეულოდ ვნერვიულობ! ჩემს სიცოცხლეში პირველად არ ვიცი საიდან დავიწყოო! მთელი ცხოვრება, შენს გარემოცვაში, ყველანაირი სტატუსის მქონე, ქალთა და გოგონათა სიმრავლის მიუხედავად არასოდეს მინახავს შენს თვალებში ის სიყვარული რითიც ნინიკოს შეჰყურებ! მე დედა ვარ და ყველაზე კარგად გიცნობ!! მთელი ცხოვრება ველოდებოდი რომ ერთხელაც ასე შეგიყვარდებოდა და ეს იქნებოდა ის რაც ახლა გჭირს! ბედნიერებას ახსივებ!!! სულ ამას ვლოცულობდი მინდოდა სიყვარულით სავსე ოჯახი გქონოდა და მადლობა უფალს ! მისმინა ღმერთმა !!
    და დღეს, შენ, შენივე არჩევანით, და დიდი სიხარულით მთავრდები , როგორ მხოლოდ ჩემი შვილი და ჩემს შვილობას ზედ კიდევ , მთელი ცხოვრების მანძილზე მხრებით სატარებელ უდიდეს ჯვარს იმატებ, ნინიკოს მამას უნდა კაცურად მისცე სიტყვა რომ ყველაზე ბედნიერი ქალიშვილის მამად აქცევ!!! და ეს ბედნიერება მისი შვილისადმი შენი უსასრულო და უსაზღვრო სიყვარული იქნება!

    ქმარი!!!!!!!! არც კი ვიცი ამ სიტყვის მნიშვნელობა იცი თუ არა!!!

    მამა !!! ეს კი ზუსტად ვიცი რომ არ იცი რას ნიშნავს! ამიტომ შეიძლება ვერ გაიგო რას იგრძნობს ნინიკოს მამა!!! დეეეე!?? იცოდე ეს კაცისთვის ცხოვრების ყველაზე მძიმე დღეა და გემუდარები არაფერი შეგეშალოს! მაპატიე რომ ეს მამამ ვერ აგიხსნა!?? მაპატიე რომ კაცობა არავის უსწავლებია შენთვის და მიუხედავად ამისა სულ პატარაობიდანვე კაცობის ყველა ტესტი უშეცდომოდ ჩააბარე! შენ უფალმა წყალობა არ მოგაკლო და პაპოკოც დაგეხმარა და დღემდე ხარ საუკეტესო შვილი, კიდევ უფრო კარგი შვილიშვილი!! მოსიყვარულე ძმა ! ერთგული მეგობარი ! კარგი ბიზნესპარტნიორი!! და დეეეეე არც აქ შეგეშლება მჯერა! რასაც იტყვი ეს სამუდამოდ ასე უნდა იყოს!

    ოჯახი ყველაზე აღმატებული ფასეულობაა და ყველასა და ყველაფრის მიმართ დიდი პასუხისმგებლობა იწყება დეეე!ამბობენ როცა შვილისთვის ეს ეტაპი დგება ,დედა ეგოისტდებაო! არ დაიჯერო მე ეს არასოდეს დამემართება! მე და შენ დიდი სიყვარული ვართ და პირველობა არ მჭირდება ! მე მთელი ცხოვრება ვიქნები დედა ! შენი ცხოვრების პირველი ქალი კი სულ ყოველთვის შენი ცოლი უნდა იყოს! მაპატიე ვიცი რომ საუკეტესო დედა არ ვარ! მაგრამ ერთი იცოდე რაც შემეძლო თავი არასოდეს დამიზოგავს და ასე იქანებ სიცოცხლის ბოლომდე!
    ქმრობა ეს არის, კაცობა აღმატებულ ხარისხში და ამას ვერავინ ვერ გასწავლის!!! დამპირდი რომ ყველაზე ლამაზი ოჯახი გექნება! ხომ, არასდროს ვერეოდი შენს პირადში ამის მერე ჩავერევი და ნინიკოს მხარეს ვიქნები!!!) მაპატიე რომ ამ ყველაფერს მამა არ გეუბნება!!!! და არ დაგავიწყდეს შენ ჩემი, ყველაზე წმინდა სიყვარულის ულამაზესი გაგრძელება ხარ და შენით სიამაყე უნდა გამიასმაგოს შენმა გადაწყვეტილებამ!

    მიუხედავ უამრავი ოჯახური სირთულისა მე მხოლოდ ნინიკოს ბედნიერებას უნდა ვუყურო!
    შენი შვილები კი ყველაზე მაგარი მამით უნდა ლაღობნენ მუდამ!
    ღვთის მადლი და წყალობა იყოს ჩვენი ცხოვრების, სიყვარულის და ბედნიერების თანამგზავრი!
    P.S.ხოოო..... ვიხუმრე შვილებს გაგიზრდი!!“

    www.itv.ge
    ბიჭმა, რომლის გამოც სოფიო ქოიავამ თავი მოიკლა, ვეღარ გაუძლო ხალხის ლანღვა-გინებას და...
    პიმენ ნაცვლიშვილმა- ბიჭმა, რომლის გამოც სოფიო ქოიავამ თავი მოიკლა ვეღარ გაუძლო ხალხის ლანღვა-გინებას და ფეისბუქი გააუქმა. 
    მის გვერდზე ძლიან ბევრი ადამიანის კომენტარი იყო და თითქმის სულ სალანძღავი. გუშნ კი ერთ-ერთმა ფეისბუქ მომხმარებელმა კომენტარებში ურჩია გვერდი გაეუქმებინა. დღეს დილიდან უკვე შეუძლებელი იყო პიმენ ნაცვლიშვილის გვერდზე შესვლა. როგორც ჩანს მან ყურად იღო რჩევა და ხალხის ლანღვა-გინების აცილების მიზნით გააუქმა ფეისბუქი.


    www.droni.ge
    "მათ მეტი არაფერი უთხოვიათ საქართველოსთვის!"

    "25 თებერვალს კი ქართველი იუნკერების გულისძგერასთან ერთად შეწყდა ქართული სახელმწიფოს არსებობა. დედაქალაქი ჩაბარდა მტერს," წერს აშშ-ში, ნიუ-ორლეანში, მცხოვრები ექიმი ზურაბ გურული;

    "მძიმე თვეა თებერვალი ...

    1921 წლის 17 თებერვალი პირველი ქართული კლასიკური სამხედრო სასწავლებლის პირველი საბრძოლო ნათლობის დღეა. 25 თებერვალს კი ქართველი იუნკერების გულისძგერასთან ერთად შეწყდა ქართული სახელმწიფოს არსებობა. დედაქალაქი ჩაბარდა მტერს. ბოლშევიკური გენოციდის პირველი მსხვერპლი სწორედ ქართული სამხედრო ელიტა და მისი მომავალი გახლდათ.

    მათი განადგურებით მოუსპეს ქვეყანას გმირების ინსტიტუტი. რუსულ ტყვიამფრქვევზე საკუთარი სხეულით გადაფარებული შალვა ერისთავისა და მარო მაყაშვილის სახელები მხოლოდ მათი ახლობლების მიერ საგულდაგულოდ გადამალულ გაცრეცილ ფოტოებსა და ზეპირად გადაცემულ მონათხრობს შემორჩა. კომუნისტური მთავრობის სახლის ბეტონის საძირკველში, ტყვიებით დაფლეთილი იუნკრების სხეულებთან ერთად ჩაიკირა და გაიყინა საქართველოს დამოუკიდებლობა. უცნაური ფატალიზმით აღსრულდა დავით აღმაშენებლის ოცნება-ანდერძი ახალგაზრდა ქართველი ოფიცრებისათვის. დღესაც მათ ნატანჯ სხეულებზე დადის მთელი საქართველო. 1989-ში მათ სხეულებზე გადაიარა რუსულმა ტანკებმა და 2008-ში ისევ მათ სხეულებზე იდგნენ რუსული აგრესიის მომლოდინე ქართველები … … ბოლშევიკური საქართველოდან სამუდამოდ გადახვეწილმა გრიგოლ რობაქიძემ სიკვდილის წინ ინატრა: "როცა მე ამ სოფლად აღარ ვიქნები, მოდიოდეს ვინმე ქართველი დედა ყოველ წელს მცხეთას, წიფობის, ჩემი დაბადების თვეში, სანთელს აანთებდეს და ლოცვით ახსენებდეს ჩემს სახელს. მეტს არასა ვთხოვ საქართველოს..."

    კოჯორ-ტაბახმელას მიდამოებში, სურწყუნისის თვეში, ყოველი ქართველის ვალია ერთხელ მაინც მივიდეს, ერთი სანთელი დაანთოს და ლოცვით მოიხსენიოს ქართველი იუნკერების სული. 25 თებერვალი ხომ მათი საუკუნო დაბადების დღეა. არასოდეს დაგავიწყდეს ეს ქართველო! მათ მეტი არაფერი უთხოვიათ საქართველოსთვის!"


    www.news.ge

    'კვდება შენი გულისთვის, ცივა, წყურია, შია შენთან ერთად'
    'დედაშენი არის ღმერთი. შენ რომ ზიხარ და უყურებ. ისიც რომ გიყურებს. შენ რომ დედას ეძახი და ის შვილს გეძახის, ამიტომ შენ გგონია ღმერთი არ არის? 

    შენ ღმერთი ვინ გგონია? წვერებიანი ბაბუა? ღრუბლებზე ზის და პირს რომ იბანს, წვიმა მოდის? ღმერთი ისე ნათელია, ისე ახლობელი, ისე ახლო და ისე უბრალო, რომ როდესაც ხედავ, არ იცი რომ ღმერთია, ამაშია ღმერთის უბედურება, ამიტომ არ წამთ ღმერთისა. ღმერთი რომ სხვაგან იყოს, შორს ჩვენგან, ცალკე და მაღლა, ღმერთი რომ ჩვენში არ იყოს, მაშინ ყველა იწამებდა. ამაშია საქმე!…  

    ღმერთი მაშინ უნდა იწამო, ღმერთის სახე რომ არ აქვს, რომ არ ჰგავს ღმერთს, რომ არ გეუბნება, ღმერთი ვარო, პურს რომ გიყოფს, სადილს რომ გიკეთებს, ტანზე რომ გაცმევს, თავზე რომ გახურავს, გიღიმის და გეფერება, გკოცნის და ტირის შენი გულისთვის, კვდება შენი გულისთვის, ცივა, წყურია, შია შენთან ერთად, სულს აძლევს ეშმაკს შენი გულისთვის, მაშინ უნდა იწამო… აბა, ღმერთმა თუ თავისი სახე გაჩვენა, კედელთან მიგაყენა, ყური აგიწია და თვითონ თუ გითხრა ღმერთი ვარ და მიწამეო, მაშინ რაღად უნდა ღმერთს შენი რწმენა? ასეთ ღმერთს შენ კი არა, ყველა იწამებს. ღმერთი მაშინ უნდა იწამო, შენ რომ გგავს, მე რომ მგავს, დედაშენს რომ ჰგავს, გასაგებია? . . .'

    www.etaloni.ge
    "სად არის ახლა აღშფოთება ერის?!."

    „აიი ეს მოიტანა დემოკრატიამ და ლიალობამ, ყველას რომ მობილური უჭირავს და პილიციელებს იქით „ეკაჩავებიან". სად არის ახლა აღშფოთება ერის, როცა პოლიციელს ჭრიან, იმ პოლიციელს ხელფასი 700 ლარი აქვს და დღე-ღამე ქუჩაშია წესრიგის დასაცავად. ნაძირლები ხართ ვინც კრიმინალებს დაიცავთ!

    „თბილისის პოლიციის დეპარტამენტის გლდანი-ნაძალადევის სამმართველოს თანამშრომლები მეტრო „300 არაგველის" მიმდებარე ტერიტორიაზე ასრულებდნენ სამსახურებრივ მოვალეობას. მათ ერთ-ერთ ნასვამ მოქალაქეს, რომელიც არღვევდა საზოგადოებრივ წესრიგს, მოუწოდეს მართლწესრიგის დაცვისკენ, რა დროსაც აღნიშნულმა მოქალაქემ პოლიციის თანამშრომელს - უბნის ინსპექტორ გამომძიებელს - ცივი იარაღით სახის არეში დაზიანება მიაყენა. პოლიციამ ადგილზე დააკავა 1992 წელს დაბადებული შ.თ."- განაცხადეს შინაგან საქმეთა სამინისტროში", - წერს ჯღარკავა. 


    www.qartulazri.ge

    "უფალი არ დაუშვებს მასკარადს"

    მამა პეტრე კოლხი სოციალურ ქსელში წერს:

     

    „არავის აქვს უფლება, პირად ინტერესებს ეკლესიის ინტერესები შესწიროს. არავის აქვს უფლება, შფოთი და არეულობა ხელოვნურად გამოიწვიოს, საზოგადოება დააბნიოს, მზაკვრული მეთოდებით და დემაგოგობით მორწმუნეები გახლიჩოს.

    დიდი ხნით ვერავინ თამაშობს, უფალი არ დაუშვებს მასკარადს", -წერს მამა პეტრე კოლხი.

    www.qartulaizri.ge